തീവ്രവാദികളോട് എങ്ങനെ പെരുമാറണം അവരെ എങ്ങനെ കൈകാര്യം ചെയ്യണം എന്ന കാര്യത്തിൽ കേന്ദ്രസര്‍ക്കാര്‍ വലിയ മാറ്റങ്ങൾ കൊണ്ട് വന്നുവെന്ന് വ്യോമസേന തലവന്‍ ആര്‍കെഎസ് ബദൗരിയ. ഏത് വലിയ ദൗത്യത്തെയും നേരിടാൻ ഇന്ത്യ ഇപ്പോൾ സജ്‌ജമാണെന്നും ബലാകോട്ടിലെ വ്യോമാക്രമണത്തിലൂടെ കേന്ദ്ര സര്‍ക്കാര്‍ അത് തെളിയിച്ചുവെന്നും അദ്ദേഹം പറഞ്ഞു. രാജ്യസുരക്ഷയുടെ കാര്യത്തിൽ വ്യോമാക്രമണത്തിന്റെ തന്ത്രപരമായ പ്രസക്തിയാണ് അതിലൂടെ തെളിഞ്ഞിരിക്കുന്നതെന്ന് അദ്ദേഹം പറയുകയുണ്ടായി. പുല്‍വാമ, ജമ്മുകശ്മീരിലെ ചാവേര്‍ ആക്രമണങ്ങള്‍ തുടങ്ങിയവ പ്രതിരോധ സേന എപ്പോഴും ജാഗരൂകരായിരിക്കണമെന്ന കാര്യത്തിലേക്ക് വിരൽ ചൂണ്ടുകയാണ്. 

അത് കൊണ്ട് തന്നെ പ്രതിരോധ സേന എപ്പോഴും ജാഗ്രത പാലിക്കണമെന്നും ബദൗരിയ പറയുകയുണ്ടായി. ഇന്ത്യന്‍ വ്യോമസേനയുടെ 87-ാം ദിനാ ഘോഷത്തിനിടെയാണ് അദ്ദേഹം ഇക്കാര്യം വ്യക്തമാക്കിയത്. പുല്‍വാമ ആക്രമണം രാജ്യത്തിന്റെ പ്രതിരോധ സംവിധാനത്തെ പൂര്‍ണ്ണമായും വെല്ലുവിളിക്കുന്നതായിരുന്നു. തീവ്രവാദികൾ ആക്രമണം നടത്തിയതിലൂടെ വെല്ലുവിളി നടത്തിയിരിക്കുകയാണെന്നും അദ്ദേഹം പറഞ്ഞു.