രാജ്യത്തെ പ്രമുഖനഗരങ്ങളില്‍ ബി.എസ്. (ഭാരത് സ്റ്റേജ്)-6 ഇന്ധനം അടുത്തവര്‍ഷം ഏപ്രില്‍ മുതല്‍ ലഭിച്ചുതുടങ്ങുമെന്ന് കേന്ദ്ര പരിസ്ഥിതിമന്ത്രി പ്രകാശ് ജാവഡേക്കര്‍ അറിയിച്ചു.''ബി.എസ്-6 പെട്രോള്‍ ഉപയോഗിക്കാന്‍ കഴിയുന്ന വാഹനങ്ങളും അടുത്തവര്‍ഷം വിപണിയിലെത്തും. ഇതിനായി 60000 കോടി രൂപയാണ് വകയിരുത്തിയിരിക്കുന്നത്. ഇതിലൂടെ 80 മുതല്‍ 90 ശതമാനംവരെ അന്തരീക്ഷമാലിന്യം കുറയ്ക്കാന്‍ കഴിയും''- അദ്ദേഹം പറഞ്ഞു.വിജയദശമിയോടനുബന്ധിച്ച് ജയ്പുരിലെ മാളവ്യ നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജി(എം.എന്‍.ഐ.ടി.)യില്‍ പരിപാടിയില്‍ പങ്കെടുക്കുന്നതിനിടെ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
അടുത്ത ഏപ്രില്‍ ഒന്നു മുതല്‍ രാജ്യത്ത് ബി.എസ്-4 വാഹനങ്ങള്‍ വില്‍ക്കരുതെന്ന് കഴിഞ്ഞവര്‍ഷം ഒക്ടോബര്‍ 24-ന് സുപ്രീംകോടതി ഉത്തരവിട്ടിരുന്നു. പകരം ബി.എസ്-6 വാഹനങ്ങള്‍ വില്‍ക്കണമെന്നും കോടതി വ്യക്തമാക്കിയിരുന്നു.