കാശ്മീ​രി​ല്‍ ഭീ​ക​ര​ര്‍ ഛത്തീ​സ്ഗ​ഡി​ല്‍ നി​ന്നു​ള്ള തൊ​ഴി​ലാ​ളി​യെ വെ​ടി​വ​ച്ച്‌ കൊ​ല​പ്പെ​ടു​ത്തി. ജമ്മു കശ്മീരിലെ പുല്‍വാമയിലാണ് ബെ​സോ​ലി സ്വ​ദേ​ശി​യാ​യ സെ​തി കു​മാ​ര്‍ സാ​ഗ​റാ​ണ് കൊ​ല്ല​പ്പെ​ട്ട​ത്. രാ​ജ​സ്ഥാ​നി​ല്‍​നി​ന്നു​ള്ള ട്ര​ക്ക് ഡ്രൈ​വ​ര്‍ വെ​ടി​യേ​റ്റു മ​രി​ച്ച സം​ഭ​വം ന​ട​ന്ന് മൂ​ന്നു ദി​വ​സ​ങ്ങ​ള്‍ക്ക്​ ശേ​ഷ​മാ​ണി​ത്.

ചെ​ങ്ക​ല്‍​ചൂ​ള തൊ​ഴി​ലാ​ളി​യാ​യ സാ​ഗ​ര്‍ മ​റ്റൊ​രാ​ള്‍​ക്കൊ​പ്പം ന​ട​ന്നു​പോ​ക​വേ​യാ​ണ് ര​ണ്ടു ഭീ​ക​ര​ര്‍ വെ​ടി​വ​ച്ചു കൊ​ന്ന​ത്. ഭീ​ക​ര​രെ പി​ടി​കൂ​ടാ​നു​ള്ള ശ്ര​മം ആ​രം​ഭി​ച്ച​താ​യി ഡി​ജി​പി ദി​ല്‍​ബാ​ഗ് സിം​ഗ് പ​റ​ഞ്ഞു. കാശ്മീ​രി​ലെ​ത്തു​ന്ന അ​ന്യ​സം​സ്ഥാ​ന തൊ​ഴി​ലാ​ളി​ക​ളെ ഭീ​ക​ര​ര്‍ ല​ക്ഷ്യം​വെ​ക്കു​ന്നു എ​ന്ന​തി​ന്‍റെ സൂ​ച​ന​യാ​ണ് കൊ​ല​പാ​ത​ക​ങ്ങ​ളെന്നാണ് വിലയിരുത്തല്‍. കശ്മീരില്‍നിന്നുള്ള പഴങ്ങളുടെ വ്യാപാരം വര്‍ധിച്ചതിന്റെ നിരാശയിലാകാം ട്രക്ക് ഡ്രൈവറെ കഴിഞ്ഞ തിങ്കളാഴ്ച ഭീകരര്‍ വധിച്ചതെന്ന് ദേശീയ മാധ്യമങ്ങള്‍ റിപ്പോര്‍ട്ടു ചെയ്തിരുന്നു.

കശ്മീരിലെ അനന്തനാഗ് ജില്ലയില്‍ മൂന്ന് ഭീകരരെ സുരക്ഷാസൈന്യം ഏറ്റുമുട്ടലില്‍ വധിച്ചു. ഭീകരര്‍ ഒളിച്ചിരുന്ന സ്ഥലത്തുനിന്ന് ആയുധങ്ങളും വെടിക്കോപ്പുകളും കണ്ടെടുത്തിട്ടുണ്ട്. ഏറ്റുമുട്ടല്‍ നടന്ന സ്ഥലത്ത് ജാഗ്രതാ നിർദ്ദേശം നൽകിയിരിക്കുകയാണ്. ആർട്ടിക്കിൾ 370 റദ്ദാക്കിയതിന് ശേഷം 72 ദിവസങ്ങള്‍ക്കുശേഷം കശ്മീരിലെ മൊബൈല്‍ ഫോണ്‍ സേവനങ്ങള്‍ പുനഃസ്ഥാപിക്കപ്പെട്ടതിനു ശേഷം താഴ്‌വരിയില്‍ സുരക്ഷാ സൈന്യവും ഭീകരരും തമ്മിലുണ്ടാകുന്ന ആദ്യ ഏറ്റുമുട്ടലാണിത്.