ഡല്‍ഹിയില്‍ കോണ്‍ഗ്രസിന്റെ തെരഞ്ഞെടുപ്പ് പ്രചരണം പരാജയമായിരുന്നെന്നു മുന്‍ മുഖ്യമന്ത്രി ഷീലാ ദീക്ഷിത്. പ്രചരണത്തിന്റെ ചുമതലയുണ്ടായിരുന്ന അജയ് മാക്കന്‍ തന്റെ കഴിവിനെ തെരഞ്ഞെടുപ്പിനായി ഉപയോഗിച്ചില്ല. മാക്കന്റെ ഈ നിലപാടിനെ ഓര്‍ത്ത് സഹതപിക്കുന്നുവെന്നും അവര്‍ പറഞ്ഞു.

തെരഞ്ഞെടുപ്പില്‍ അജയ് മാക്കന്‍ തന്റെ കഴിവിനെ പൂര്‍ണ്ണമായി പ്രയോജനപ്പെടുത്തിയില്ലെന്ന് ഷീലാ ദീക്ഷിത് കുറ്റപ്പെടുത്തി.
ഡല്‍ഹി തെരഞ്ഞെടുപ്പില്‍ തോല്‍വി നേരിടേണ്ടി വന്നതിനാല്‍ പാര്‍ട്ടി ഏല്‍പ്പിച്ചിരുന്ന എല്ലാ ഔദ്യോഗിക സ്ഥാനങ്ങളും രാജി വയ്ക്കുന്നതായി അജയ്മാക്കന്‍ തെരഞ്ഞെടുപ്പ് ദിവസം നേതൃത്വത്തെ അറിയിച്ചിരുന്നു.

എന്നാല്‍ അജയ് മാക്കന്റെ രാജി പാര്‍ട്ടി ഹൈക്കമാന്‍ഡ് ഇന്നലെ തള്ളിയിരുന്നു. ഡല്‍ഹിയില്‍ കോണ്‍ഗ്രസിന്റെ മുഖ്യമന്ത്രി സ്ഥാനാര്‍ത്ഥിയായിരുന്നു അജയ് മാക്കന്‍. കോണ്‍ഗ്രസിന്റെ പ്രചാരണത്തിനു നേതൃത്വം നല്‍കിയിരുന്നത് മാക്കനായിരുന്നു. 70 സീറ്റുകളില്‍ ഒന്നു പോലും നേടാനാകാതെ ചരിത്രത്തിലെ ഏറ്റവും വലിയ തിരിച്ചടിയാണ് ഡല്‍ഹിയില്‍ കോണ്‍ഗ്രസ് ഇത്തവണ നേരിട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha