ഇവിടെ കഴിയുന്നതിനെപ്പറ്റി ചിന്തിക്കാനേ കഴിയുന്നില്ല; വായു മലിനീകരണത്തിൽ പ്രതികരിച്ച് പ്രിയങ്ക ചോപ്ര രംഗത്ത്
ഡല്ഹിയിലെ വായു മലിനീകരണം ചിന്തകൾക്കപ്പുറം അതിരൂക്ഷമായി കഴിഞ്ഞിരിക്കുന്ന കാഴ്ചയാണ് കാണുവാൻ സാധിക്കുന്നത്. ഇതേ തുടര്ന്ന് നഗരത്തില് കർശന വാഹന നിയന്ത്രണം ഏര്പ്പെടുത്തിയിട്ടുണ്ട്. ഇപ്പോള് വായു മലിനീകരണത്തില് ബോളിവുഡ് താരങ്ങളും രംഗത്ത് എത്തിയിരിക്കുകയാണ്. ബോളിവുഡ് താരം പ്രിയങ്ക ചോപ്രയാണ് ഇപ്പോള് പ്രതികരണം അറിയിച്ച് രംഗത്ത് എത്തിയിരിക്കുന്നത്.
എയര് പ്യൂരിഫയര് ഘടിപ്പിച്ച മാസ്ക് ധരിച്ചു കൊണ്ടുള്ള തന്റെ ചിത്രം ഇന്സ്റ്റഗ്രാമില് പങ്കുവെച്ചു കൊണ്ടാണ് താരം മലിനീകരണത്തില് കടുത്ത ആശങ്ക പ്രകടിപ്പിച്ചത്. 'ദ വൈറ്റ് ടൈഗര് എന്ന ചിത്രത്തിന്റെ ഷൂട്ടിംഗ് ദിവസങ്ങളിലാണ് ഇപ്പോൾ താരം. ഇവിടെ ചിത്രീകരണം ബുദ്ധിമുട്ടാണ്. ഈ സാഹചര്യത്തില് ഇവിടെ കഴിയുന്നതിനെ പറ്റി എനിക്ക് ആലോചിക്കാനേ പറ്റുന്നില്ല എന്നും. മാസ്കുകളും എയര് പ്യൂരിഫയറും ഉള്ളതു കൊണ്ട് ഞങ്ങള് ഭാഗ്യവാന്മാരാണ്. വീടു പോലുമില്ലാത്തവര്ക്കു വേണ്ടി പ്രാര്ഥിക്കുക. എല്ലാവരും സുരക്ഷിതരായിരിക്കുക'.എന്നും പ്രിയങ്ക പങ്കുവയ്ക്കുകയുണ്ടായി.
ദീപാവലി ആഘോഷങ്ങള്ക്കു ശേഷം ഡൽഹിയിൽ വായു മലിനീകരണം രൂക്ഷമായി തുടരുകയാണ്. തലസ്ഥാന നഗരിയിലെ വായുമലിനീകരണ തോത് എമര്ജന്സി പ്ലസ് ആയാണ് കണക്കുകള് രേഖപ്പെടുത്തുന്നത് തന്നെ. ഇതേതുടർന്ന് മലിനീകരണത്തില് രൂക്ഷ വിമര്ശനവുമായി സുപ്രീംകോടതിയും രംഗത്ത് വന്നിട്ടുണ്ട്.
https://www.facebook.com/Malayalivartha