ഇന്ദു മല്‍ഹോത്രയെപ്പോലെ മറ്റൊരു ധീരവനിത, ജസ്റ്റിസ് ഭാനുമതിയെന്ന ശക്തി; സുപ്രീംകോടതിയിലെ മുതിര്‍ന്ന ജഡ്ജിയായ ആര്‍ ഭാനുമതി കോളീജിയത്തിലേക്ക്
18 NOVEMBER 2019 11:33 AM IST
മലയാളി വാര്‍ത്ത
സുപ്രീംകോടതിയിലെ മുതിര്‍ന്ന ജഡ്ജിയായ ആര്‍ ഭാനുമതി കോളീജിയത്തിലേക്ക്. പതിമൂന്നു വര്‍ഷങ്ങള്‍ക്ക് ശേഷമാണ് ഒരു വനിതാ ജഡ്ജി കൊളീജിയത്തില്‍ അംഗമാകുന്നത്. കൊളീജിയത്തില്‍ അംഗമാകുന്ന രണ്ടാമത്തെ വനിതയാണ് ജസ്റ്റിസ് ആര്‍ ഭാനുമതി. ജസ്റ്റിസ് രുമ പാലാണ് കൊളീജിയത്തില്‍ അംഗമായ ആദ്യ വനിത.
ചീഫ് ജസ്റ്റീസ് ഉള്‍പ്പെടെ ഏറ്റവും മുതിര്‍ന്ന അഞ്ച് ജഡ്ജിമാരാണ് കൊളീജിയത്തില്‍ ഉള്ളത്. ചീഫ് ജസ്റ്റിസായി ചുമതലയേല്‍ക്കുന്ന എസ്എ ബോബ്ഡെ, ജസ്റ്റിസുമാരായ എന്‍. വി രമണ, അരുണ്‍ മിശ്ര, രോഹിങ്ണ്‍ നരിമാന്‍ എന്നിവരാണ് കൊളീജിയത്തിലെ മറ്റ് അംഗങ്ങള്‍.
ഹൈക്കോടതി ചീഫ് ജസ്റ്റിസ് ഉള്‍പ്പെടെയുള്ള ജഡ്ജിമാരേയും, സുപ്രീം കോടതി ജഡ്ജിമാരേയും നിയമിക്കാനും, സ്ഥലം മാറ്റാനും ശുപാര്‍ശ നല്‍കുന്നത് കൊളീജിയമാണ്. 2020- ജൂലൈ 19-തിന് വിരമിക്കുന്നതു വരെ ജസ്റ്റിസ് ആര്‍ ഭാനുമതി കൊളീജിയത്തില്‍ അംഗമായിരിക്കും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
