വനിത ഹോക്കി ലോകകപ്പ്... ഇംഗ്ലണ്ടിനെ ഗോള്രഹിത സമനിലയില് തളച്ച് ഇന്ത്യ ടൂര്ണമെന്റിന്റെ രണ്ടാം റൗണ്ടിലേക്ക് യോഗ്യത നേടി
വനിത ഹോക്കി ലോകകപ്പില് ക്വാര്ട്ടര് ഫൈനല് സാധ്യതകള് സജീവമാക്കി ഇന്ത്യ. പൂള് ഡിയിലെ അവസാന മത്സരത്തില് ശക്തരായ ഇംഗ്ലണ്ടിനെ ഗോള്രഹിത സമനിലയില് തളച്ചാണ് ഇന്ത്യ ടൂര്ണമെന്റിന്റെ രണ്ടാം റൗണ്ടിലേക്ക് യോഗ്യത നേടിയത്. ഇരു ടീമുകള്ക്കും നിര്ണായകമായിരുന്ന മത്സരത്തില്, പ്രതിരോധത്തിലെ അസാമാന്യമായ കരുത്താണ് ഇന്ത്യയെ തുണച്ചത്.
മത്സരത്തിലുടനീളം ഇംഗ്ലണ്ട് മികച്ച മുന്നേറ്റങ്ങള് നടത്തിയെങ്കിലും, ഗോള്കീപ്പര് ബിച്ചു ദേവിയും സവിത പൂനിയ നയിച്ച ഇന്ത്യന് പ്രതിരോധനിരയും വിട്ടുകൊടുക്കാനായി തയ്യാറായില്ല. മത്സരത്തിന്റെ തുടക്കത്തില് ഇന്ത്യയായിരുന്നു കൂടുതല് അവസരങ്ങള് സൃഷ്ടിച്ചത്. നവനീത് കൗറും ദീപികയും ചേര്ന്ന് ഇംഗ്ലീഷ് ഗോള്മുഖത്ത് നിരന്തരം വെല്ലുവിളികള് ഉയര്ത്തുകയും ചെയ്തു.
ഇംഗ്ലിഷ് ഗോള്കീപ്പര് മാഡി പ്രിച്ചാര്ഡിന്റെ മികച്ച സേവുകള് ഇന്ത്യയ്ക്ക് തിരിച്ചടിയായി. രണ്ടാം പകുതിയില് ഇംഗ്ലണ്ട് കളി നിയന്ത്രിക്കുന്നതാണ് കണ്ടത്. തുടര്ച്ചയായി പെനാല്റ്റി കോര്ണറുകള് നേടിയെടുത്ത് അവര് ഇന്ത്യയെ സമ്മര്ദ്ദത്തിലാക്കി.
മത്സരത്തിന്റെ അവസാന നിമിഷത്തില് ടെസ് ഹൊവാര്ഡിന്റെ ശക്തമായ ഷോട്ട് ബിച്ചു ദേവി തടഞ്ഞിട്ടതതോടെ ഇന്ത്യ സമനില ഉറപ്പാക്കി. ഇതോടെ പൂള് ഡിയില് അഞ്ച് പോയിന്റുമായി ഇന്ത്യ രണ്ടാം സ്ഥാനത്തെത്തി.
"
https://www.facebook.com/Malayalivartha
