അര്ജുന് ആയങ്കിക്കെതിരെ കാപ്പ ചുമത്തി
അര്ജുന് ആയങ്കിക്കെതിരെ കാപ്പ ചുമത്തി കണ്ണൂര് ജില്ലാ കളക്ടര് ഉത്തരവിട്ടു. കണ്ണൂര് സിറ്റി പൊലീസ് കമ്മീഷണര് സമര്പ്പിച്ച ശുപാര്ശയും കേസ് ഹിസ്റ്ററി റിപ്പോര്ട്ടും ജില്ലാ കളക്ടര് പി വിഷ്ണുരാജ് അംഗീകരിക്കുകയായിരുന്നു. കഴിഞ്ഞ ഏഴ് വര്ഷത്തിനിടെ നിരവധി ക്രിമിനല് കേസുകളില് പ്രതിയായ അര്ജുന് ആയങ്കി സമൂഹത്തിന് വലിയ ഭീഷണിയാണെന്നാണ് കളക്ടറുടെ ഉത്തരവില് വ്യക്തമാക്കിയിട്ടുള്ളത്.
നിലവില് ജയിലില് കഴിയുന്ന പ്രതിക്ക് ജാമ്യം ലഭിച്ചാല് തുടര്ന്നും കുറ്റകൃത്യങ്ങളില് ഏര്പ്പെടാന് സാദ്ധ്യതയുണ്ടെന്ന് വിലയിരുത്തിയായിരുന്നു നടപടി. അര്ജുന് ആയങ്കിയെ ഉടന്തന്നെ അറസ്റ്റ് ചെയ്ത് കണ്ണൂര് സെന്ട്രല് ജയില് സൂപ്രണ്ടിന് മുമ്പാകെ ഹാജരാക്കാനാണ് പൊലീസിന് നല്കിയിരിക്കുന്ന നിര്ദേശം. കരുതല് തടങ്കലിന്റെ ഭാഗമായി കണ്ണൂര് സെന്ട്രല് ജയിലില് അടയ്ക്കാനാണ് ഉത്തരവിലുള്ളത്.
https://www.facebook.com/Malayalivartha
