ബെംഗളൂരുവില് പ്രതിദിനം ഒരു മണിക്കൂര് സൗജന്യ ഇന്റര്നെറ്റ് സേവനം ലഭ്യമാക്കും
ബെംഗളൂരു നഗരത്തില് ദിവസേന ഒരു മണിക്കൂര് സൗജന്യ ഇന്റര്നെറ്റ് സേവനം നല്കുന്ന പദ്ധതി ഉടന് ആരംഭിക്കുമെന്ന് സംസ്ഥാന സര്ക്കാര്.
ബെംഗളൂരു ടെക്ക് സമ്മിറ്റിനിടെയാണ് കര്ണാടക ഉപമുഖ്യമന്ത്രി സി.എന്. അശ്വന്ത് നാരായണന് ഇത്തരത്തില് പ്രഖ്യാപനം നടത്തിയിരിക്കുന്നത്.
ഒന്പത് മാസം കൊണ്ട് സൗജന്യ ഇന്റര്നെറ്റ് പദ്ധതി നടപ്പിലാക്കുമെന്നാണ് അശ്വന്ത് നാരായണന് പ്രഖ്യാപിച്ചിരിക്കുന്നത്. പദ്ധതി ആട്രിയ കണ്വെര്ജന്സ് ടെക്നോളജീസുമായി ചേര്ന്ന് നടപ്പലാക്കാനാണ് സര്ക്കാര് ഉദ്ദേശിക്കുന്നത്.
ഈ പദ്ധതിക്കായി 100 കോടിയാണ് ചിലവ് കണക്കാക്കുന്നത്. ഇതോടെ ബെംഗളൂരു നിവാസികള്ക്ക് ദിവസത്തില് ഒരു മണിക്കൂര് സൗജന്യമായി ഇന്റര്നെറ്റ് ഉപയോഗിക്കാനാവും.
https://www.facebook.com/Malayalivartha