റെയില്‍വെ ബജറ്റ് പ്രഖ്യാപിക്കാന്‍ ഇനി മണിക്കൂറുകള്‍ മാത്രം. റെയില്‍വേ ബജറ്റില്‍ നിരക്കിന്റെ കാര്യത്തില്‍ ശരിയായ പ്രഖ്യാപനമുണ്ടാകുമെന്നു റെയില്‍വേ മന്ത്രി സുരേഷ് പ്രഭു പറഞ്ഞു. ദീര്‍ഘകാല വികസനം ലക്ഷ്യമിട്ടുള്ള പദ്ധതികള്‍ക്ക് ഊന്നല്‍ നല്‍കും. പ്രധാനമന്ത്രിയുടെ വികസന മാതൃക റെയില്‍വേയില്‍ നടപ്പാക്കുമെന്നും മന്ത്രി പറഞ്ഞു. നരേന്ദ്ര മോദി സര്‍ക്കാരിന്റെ ആദ്യത്തെ പൂര്‍ണ റെയില്‍വേ ബജറ്റാണ് ഇന്ന് ഉച്ചയ്ക്കു മന്ത്രി സുരേഷ് പ്രഭു ലോക്‌സഭയില്‍ അവതരിപ്പിക്കുക.

യാത്രാക്കൂലിയും ചരക്കുകൂലിയും കൂട്ടുമെന്ന ആശങ്ക പരക്കെയുണ്ട്. ഇക്കൊല്ലം റെയില്‍വേ വരുമാനത്തില്‍ 92.5 ശതമാനവും പ്രവര്‍ത്തനച്ചെലവിനു പോകുന്ന സാഹചര്യത്തിലാണു വരുമാനം കൂട്ടുമെന്ന പ്രതീക്ഷ. റെയില്‍വേയില്‍ സ്വകാര്യ-വിദേശ പങ്കാളിത്തത്തോടെ കൂടുതല്‍ വികസനപദ്ധതികള്‍ നടപ്പാക്കാനുള്ള നിര്‍ദേശം ബജറ്റില്‍ പ്രതീക്ഷിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha