നിങ്ങളുടെ ഫോണ്‍ കളഞ്ഞുപോയോ ? പരിഭ്രാന്തരാകാൻ വരട്ടെ സർക്കാർ വെബ്സൈറ്റ് ഉണ്ടല്ലോ; മറ്റൊരാൾ ഉപയോഗിക്കാതെ അതിനെ ബ്ലോക്ക് ചെയ്യാം; ഈ കാര്യങ്ങൾ അറിഞ്ഞിരിക്കുക
നമ്മുടെ കയ്യിലിരിക്കുന്ന സ്മാർട്ട് ഫോൺ കളഞ്ഞു പോയാൽ നമ്മുടെ പേടി തുടങ്ങും . ആരുടെയെങ്കിലും കയ്യിൽ കിട്ടിയാൽ അവ്സർ അത് ദുരുപയോഗം ചെയ്യുമോ... അത്തരത്തിൽ ഉള്ള സംശയങ്ങളും പേടിയും. എന്നാൽ കളഞ്ഞു പോയ ഫോണ്‍ മറ്റാര്‍ക്കും ഉപയോഗിക്കാന്‍ സാധിക്കാത്ത വിധം ബ്ലോക്ക് ചെയ്യാന്‍ കഴിയും .അതിനായി ഇപ്പോള്‍ ഒരു സര്‍ക്കാര്‍ വെബ്സൈറ്റ് കിട്ടുന്നുണ്ട്. 2019 സെപ്റ്റംബറില്‍ മുംബൈയില്‍ തുടക്കമിട്ട സെന്‍ട്രല്‍ എക്യുപ്‌മെന്റ് ഐഡന്റിറ്റി രജിസ്റ്റര്‍ (സിഇഐആര്‍) ഇപ്പോള്‍ ഡല്‍ഹിയിലും ഉണ്ട് . മൊബൈല്‍ ഫോണ്‍ മോഷ്ടിക്കപ്പെടുകയോ കളഞ്ഞുപോവുകയോ ചെയ്താല്‍ ഈ വെബ്സൈറ്റ് വഴി നിങ്ങളുടെ ഫോണ്‍ ബ്ലോക്ക് ചെയ്യാന്‍ സാധിക്കുന്നതാണ്. ഫോണ്‍ മോഷ്ടിച്ചയാള്‍ക്കോ അത് കളഞ്ഞുകിട്ടിയ ആള്‍ക്കോ ആ ഫോണ്‍ ഉപയോഗിക്കാന്‍ സാധിക്കാത്ത രീതിയിൽ ഈ വര്‍ഷം തന്നെ രാജ്യത്തെ മറ്റിടങ്ങളിലേക്കും ഈ സേവനം വ്യാപിപ്പിക്കുമെന്നാണ് പുറത്ത് വരുന്ന വിവരം. http://www.ceir.gov.in എന്ന യുആര്‍എല്‍ സന്ദര്‍ശിച്ചാല്‍ മതിയാകും . ഫോണുകളുടെ ഐഎംഇഐ നമ്പര്‍ ഉപയോഗിച്ചായിരുന്നു ഇത് ട്രാക്ക് ചെയ്യുന്നത്. ഫോൺ നഷ്ടപ്പെട്ടവർക്ക് വെബ്സൈറ്റ് വഴി ഫോണ്‍ ബ്ലോക്ക് ചെയ്യണമെങ്കില്‍ ഫോണ്‍ നഷ്ടമായതായി ഒരു എഫ്‌ഐആര്‍ രജിസ്റ്റര്‍ ഉറപ്പായും ചെയ്തിരിക്കണം.
സിഇഐആര്‍ വെബ്സൈറ്റ് വഴി ഫോണ്‍ ബ്ലോക്ക് ചെയ്യുന്നതിനുള്ള നടപടിക്രമങ്ങള്‍ എങ്ങനെയാണെന്ന് വിശദമാക്കാം
ഫോൺ നഷ്ടമായാൽ ഉടൻ തന്നെ ആദ്യം അടുത്തുള്ള പോലീസ് സ്‌റ്റേഷനില്‍ ഫോണ്‍ നഷ്ടപ്പെട്ടതായോ മോഷ്ടിക്കപ്പെട്ടതായോ എഫ്‌ഐആര്‍ രജിസ്റ്റര്‍ ചെയ്യുക. എന്നിട്ടു ആ റിപ്പോര്‍ട്ടിന്റെ കോപ്പി കയ്യില്‍ കരുത്തിയിരിക്കണം . കാരണം വെബ്‌സൈറ്റിലെ അപേക്ഷാ ഫോറം പൂരിപ്പിക്കുന്നതിന് ആ കോപ്പി ആവശ്യമാണ്. മാത്രമല്ല നഷ്ടപ്പെട്ട ഫോണിലെ സിംകാര്‍ഡുകള്‍ക്ക് ഡ്യൂപ്ലിക്കേറ്റ് സിംകാര്‍ഡുകളും വാങ്ങണം. പോലീസ് റിപ്പോര്‍ട്ടിന്റെ പകര്‍പ്പ്, തിരിച്ചറിയല്‍ കാര്‍ഡ്,കഴിയുമെങ്കിൽ മാത്രം ഫോണ്‍ വാങ്ങിയ ബില്ല് എന്നിവ കയ്യില്‍ ഉണ്ടായിരിക്കണം. ഇതിന് ശേഷം ഫോണിന്റെ ഐഎംഇഐ നമ്പര്‍ ബ്ലോക്ക് ചെയ്യുന്നതിനുള്ള അപേക്ഷാ ഫോം പൂരിപ്പിച്ച് നൽകുക. മുകളില്‍ പറഞ്ഞ രേഖകള്‍ അപേക്ഷയ്‌ക്കൊപ്പം അറ്റാച്ച് ചെയ്യ്തിരിക്കണം . നിങ്ങളുടെ മൊബൈല്‍ നമ്പര്‍ നല്‍കണം, രണ്ട് നമ്പറുകളുണ്ടെങ്കില്‍ രണ്ടും നൽകുക . രണ്ട് സിം കാര്‍ഡ് സൗകര്യമുള്ള ഫോണ്‍ ആണ് നിങ്ങളുടേത് എങ്കില്‍ രണ്ട് ഐഎംഇഐ നമ്പറുകളും നല്‍കുക. ഫോണ്‍ വാങ്ങിയ പെട്ടിയില്‍ ഐഎംഇഐ നമ്പറുകള്‍ കാണാവുന്നതാണ് . ഫോണുകള്‍ വാങ്ങുമ്പോള്‍ എപ്പോഴും ഐഎംഇഐ നമ്പറുകള്‍ എവിടെയെങ്കിലും എഴുതി സൂക്ഷിച്ച് വെക്കാൻ മറക്കരുത് . ഭാവിയില്‍ ഇങ്ങനെയുള്ള ആവശ്യങ്ങള്‍ക്ക് ആ നമ്ബർ ഉപയോഗിക്കാൻ കഴിയും ഫോണിന്റെ ബ്രാന്റ്, മോഡല്‍, പര്‍ചേസ് ഇന്‍വോയ്‌സ് എന്നിവയും നല്‍കുക.
.
ഫോണ്‍ നഷ്ടമായ സ്ഥലവും, തീയ്യതിയും നൽകുക. ഫോണ്‍ ഉടമ അയാളുടെ പേര്, വിലാസം, മൊബൈല്‍ നമ്പര്‍, തിരിച്ചറിയല്‍ രേഖകള്‍ എന്നിവയില്‍ ഏതെങ്കിലും അപേക്ഷയ്‌ക്കൊപ്പം നല്‍കിയിരിക്കണം.അപേക്ഷ നല്‍കിക്കഴിഞ്ഞാല്‍ നിങ്ങള്‍ക്ക് ഒരു റിക്വസ്റ്റ് ഐഡി ലഭിക്കും. ഈ ഐഡി ഉപയോഗിച്ച് ഐഎംഇഐ നമ്പര്‍ ബ്ലോക്ക് ചെയ്യുന്നതിനുള്ള അപേക്ഷ നടപ്പിലായോ എന്ന് പരിശോധിക്കാവുന്നതാണ്. ഫോണ്‍ തിരികെ ലഭിച്ചാല്‍ അക്കാര്യം ആദ്യം പോലീസില്‍ അറിയിക്കുകയാണ് വേണ്ടത് . അതിന് ശേഷം ഇതേ വെബ്‌സൈറ്റില്‍ തന്നെ ഫോണ്‍ അണ്‍ബ്ലോക്ക് ചെയ്യാനുള്ള അപേക്ഷ നല്‍കാകുന്നതാണ് . അപേക്ഷ നല്‍കിക്കഴിഞ്ഞ് അണ്‍ബ്ലോക്ക് ഒഴിവാക്കാന്‍ സമയമെടുക്കും. അതിനാല്‍ റിക്വസ്റ്റ് ഐഡി ഉപയോഗിച്ച് വിവരം അന്വേഷിക്കുക.അപ്പോൾ ഫോൺ നഷ്ടമായാൽ വെപ്രാളമല്ല മറിച്ച് സംയമനത്തോടെ കാര്യക്ഷമമായ നടപടികൾ സ്വീകരിക്കുകയാണ് വേണ്ടത്.
https://www.facebook.com/Malayalivartha
