പൗരത്വ ഭേദഗതിബില്ലി നെതിരെയുള്ള പ്രമേയം നിയമസഭയിൽ പാസ്സാക്കിയത് മുതൽ കേരളത്തിലെയും ദേശീയ തലത്തിലെയും ഒരു പ്രധാന ചർച്ച വിഷയമായിരുന്നു അത്. മുഖ്യധാര മാധ്യമങ്ങളടക്കം കേരളം മുഖ്യ മന്ത്രിയുടെ ഈ നടപടിയെ പ്രശംസിച്ചു മുന്നോട്ടു വന്നിരുന്നു.എന്ത് തന്നെ സംഭവിച്ചാലും കേരളത്തിൽ പൗരത്വ ബില് നടപ്പിലാക്കില്ലെന്നു ബിജെപി ഒഴികെയുള്ള ഭരണ പ്രതിപക്ഷങ്ങൾ ഒറ്റക്കെട്ടായാണ് നിലപാട് സ്വീകരിച്ചത്.

എന്നാൽ മുഖ്യമന്ത്രി പിണറായി വിജയനെതിരെ പരാതിയുമായി ബി.ജെ.പി എത്തിയിരിക്കുകയാണ് ഇപ്പോൾ. പ്രമേയത്തെ തുടക്കം മുതൽ തന്നെ ബിജെപി എതിർത്തി രുന്നു. മാത്രമല്ല ശക്തമായ വിമർശനവും ഉന്നയിച്ചിരുന്നു .ഈ സാഹചര്യത്തിലാണ് പരാതിയുമായി മുന്നോട്ടു പോകാൻ ബിജെപി യുടെ തീരുമാനം. ഇന്നു ചേരുന്ന പാർലമെന്റ് പ്രിവിലേജ് സമിതി യോഗത്തിൽ പിണറായി വിജയനെതിരായ അവകാശലംഘന പരാതി ബി.ജെ.പി ഉന്നയിക്കും. നിയമസഭ പാസാക്കിയ പൗരത്വ നിയമത്തിനെതിരായ പ്രമേയത്തിലാണ് ബി.ജെ.പി പരാതി നൽകിയിരിക്കുന്നത് .സർക്കാർ നടപടി ഭരണഘടനാ വിരുദ്ധമാണ് എന്നാണു ബി.ജെ.പിയുടെ ആരോപണം.

ഇന്ന് രാവിലെ 11ന് പാർലമെന്റ് മന്ദിരത്തിലാണ് സമിതി യോഗം ചേരുന്നത്. പൗരത്വ നിയമത്തിനെതിരെ കേരള നിയമസഭ പാസാക്കിയ പ്രമേയം ഭരണഘടനാവിരുദ്ധമാണെന്ന് ആണ് ബി.ജെ.പിയുടെ ആരോപണം. രാജ്യസഭാംഗമായ ജി.വി.എൽ നരസിംഹറാവു ആണ് ഇക്കാര്യത്തിൽ പരാതി നൽകിയത് . മുഖ്യമന്ത്രി ഖേദം പ്രകടിപ്പിക്കണമെന്നും നിയമത്തിനെതിരായ പ്രമേയവും ചർച്ചകളും നിയമസഭാ രേഖകളിൽ നിന്ന് നീക്കണമെന്നുമാണ് നരസിംഹറാവുവിന്റെ ആവശ്യം.

പാർലമെന്റ് പാസാക്കിയ ഒരു നിയമത്തിനെതിരെ പ്രമേയം പാസാക്കാൻ രാജ്യത്തെ ഒരു നിയമ സഭയ്ക്കും അധികാരമില്ലെന്നും ബി.ജെ.പി ചൂണ്ടിക്കാട്ടുന്നു. ഇന്നത്തെ യോഗത്തിന്റെ അജണ്ട നേരത്തെ നിശ്ചയിച്ചതാണ് എങ്കിലും മുഖ്യമന്ത്രിക്കെതിരായ പരാതി കൂടി പരിഗണിക്കണമെന്നാണ് ബി.ജെ.പി നിലപാട് . രാജ്യസഭ ഉപാധ്യക്ഷൻ ഹരിവൻഷ് അധ്യക്ഷനായ കമ്മിറ്റിയിൽ ബി.ജെ.പിക്ക് നാലും കോൺഗ്രസിന് രണ്ടും ഡി.എം.കെ, എ.ഐ.ഡി.എം.കെ, ബി.ജെ.ഡി എന്ന കക്ഷികളുടെ ഓരോ അംഗങ്ങളും ഉണ്ട്.

കേരളവും കെന്ദ്രവും ശക്തമായ നിലപാടുകളും വാവാക് പോരുകളുമായി മുന്നോട്ടുപോകുമ്പോൾ എന്താവും ഇനിയുള്ള ക്ലൈമാക്സ് എന്ന ആകാംക്ഷയിലാണ് പൊതുജനം.മതാടിസ്ഥാനത്തിലുള്ള അവേർതിരിവിൻറെ അംഗീകരിക്കില്ലെന്ന വാശിയിൽ കേരളമടക്കമുള്ള കുറച്ചു സംസ്ഥാനങ്ങളും പൗരത്വ ബില് നടപ്പാക്കിയേ തീരു എന്ന വാശിയിൽ കേന്ദ്രവും. ഈ സാഹചര്യത്തിലുള്ള ബിജെപിയുടെ ഈ നടപടി എന്ത് രാഷ്ട്രീയ മാന മാണ് സൃഷ്ടിക്കുക എന്നതും നിർണായകമാണ്.