നിര്ഭയയുടെ അമ്മയോട് പ്രതിയുടെ അമ്മ പറഞ്ഞു; 'അവന്റെ ജീവനു വേണ്ടി കെഞ്ചുകയാണ്'!
കോടതി മുറിയ്ക്കുള്ളില് വച്ച്, നിര്ഭയ കേസില് തൂക്കിക്കൊല്ലാന് വിധിക്കപ്പെട്ട മകന്റെ ജീവനു വേണ്ടി നിര്ഭയയുടെ അമ്മയോട് പ്രതി മുകേഷ് സിങിന്റെ അമ്മ യാചിച്ചു. 'എന്റെ മകനോട് ക്ഷമിക്കണം. അവന്റെ ജീവനു വേണ്ടി കെഞ്ചുകയാണ്' എന്നാണ് നിര്ഭയയുടെ അമ്മയോട് അവര് കണ്ണീരോടെ പറഞ്ഞത്.
ഹൃദയഭേദകമായ മറുപടിയാണ് നിര്ഭയയുടെ അമ്മ നല്കിയത്. 'എനിക്കും ഒരു മകളുണ്ടായിരുന്നു. അവള്ക്കെന്ത് സംഭവിച്ചു? അതെങ്ങനെ ഞാന് മറക്കും? ഏഴു വര്ഷം ഞാന് കാത്തിരുന്നത് വരാന് പോകുന്ന ഒരു ദിവസത്തിനു വേണ്ടിയാണ്' എന്നായിരുന്നു മറുപടി. തുടര്ന്ന് കോടതി മുറിയില് നിശബ്ദരാകാന് ജഡ്ജി ആവശ്യപ്പെട്ടു.
ഈ മാസം 22-നാണ് നിര്ഭയ കേസിലെ നാല് പ്രതികളെയും തൂക്കിലേറ്റുന്നത്. കേസില് ആറ് പ്രതികളാണ് ഉണ്ടായിരുന്നത്. മുഖ്യപ്രതിയായ ബസ് ഡ്രൈവര് രാംസിങ് 2013 മാര്ച്ചില് ജയിലില് ജീവനൊടുക്കിയിരുന്നു. മറ്റൊരു പ്രതിക്ക് 18 വയസ്സ് തികയാത്തതിന്റെ ആനൂകൂല്യം ലഭിച്ചു. ശേഷിക്കുന്ന നാലുപേരെയും തിഹാര് ജയിലില് ഒന്നിച്ച് തൂക്കുലേറ്റും. പ്രതികളുടേതായി ഒരു കോടതിയിലും ഹര്ജികള് ബാക്കിയില്ലെന്നും ദയാഹര്ജിയും പരിഗണനയില് ഇല്ലെന്നും ജഡ്ജി വ്യക്തമാക്കി.
https://www.facebook.com/Malayalivartha