10 പോയിന്റ് ഗ്യാരന്റി കാർഡു"മായി അരവിന്ദ് കേജ്രിവാൾ; അടുത്ത അഞ്ച് വർഷത്തേക്കുള്ള വാഗ്ദാനങ്ങൾ ഒരുമിച്ച് ; ഡൽഹിക്ക് വാഗ്ദാനങ്ങളുടെ കുത്തൊഴുക്ക്
ഡൽഹി നിയമസഭാ തിരഞ്ഞെടുപ്പ് അടുത്തതോടെ ജനങ്ങൾക്ക് നിരവധി വാഗ്ദാനങ്ങൾ പ്രഖ്യാപിച്ച് അരവിന്ദ് കേജ്രിവാൾ രംഗത്ത് . 10 പോയിന്റ് ഗ്യാരന്റി കാർഡിലൂടെയാണ് അടുത്ത അഞ്ച് വർഷത്തേക്കുള്ള വാഗ്ദാനങ്ങൾ പ്രഖ്യാപിച്ചത്. തടസ്സങ്ങളില്ലാതെ 24 മണിക്കൂർ വൈദ്യുതിയും 200 യൂണിറ്റ് സൗജന്യ വൈദ്യുതിയും നൽകുമെന്നതാണ് ഗ്യാരണ്ടി കാർഡിലെ ഒന്നാം വാഗ്ദാനം. പൈപ്പു വഴി 24 മണിക്കൂറും കുടിവെള്ളം, സൗജന്യ വൈദ്യുതി, ഒരോ വിദ്യാർഥിക്കും രാജ്യാന്തര നിലവാരത്തിൽ വിദ്യാഭ്യാസം തുടങ്ങിയവയും പ്രഖ്യാപനങ്ങളിൽ ഉൾപ്പെട്ടിട്ടുണ്ട് . ഒരോ വീട്ടിലും വൈദ്യുതി എത്തിക്കുന്നതിന് ഭൂഗർഭ കേബിളുകൾ ,. മെട്രോ സേവനം 500 കിലോമീറ്റർ ദൂരപരിധിയിൽ , 11,000 ബസുകൾ, സ്ത്രീകൾക്കും വിദ്യാർഥികൾക്കും സൗജന്യ ബസ് യാത്ര , ഏറ്റവും വലിയതും ചെലവു കുറഞ്ഞതുമായ ഗതാഗത സംവിധാനം എന്നിവയും പ്രഖ്യാപനത്തിൽ പറയുന്നു.
ചേരി പ്രദേശത്ത് താമസിക്കുന്നവർക്ക് സ്വന്തമായി വീടും പ്രഖ്യാപനത്തിൽ ഉൾപ്പെടുന്നു . ഡൽഹിയെ പച്ച പുതപ്പിക്കാൻ 2 കോടി മരങ്ങൾ നടുന്ന പദ്ധതിയും ഉൾപ്പെട്ടിരിക്കുന്നു. കുടിവെള്ളത്തിനും വൈദ്യുതിക്കുമുള്ള സബ്സിഡി തുടരും. 20,000 ലിറ്രർ കുടിവെള്ളം സൗജന്യമായി നൽകുന്നതു തുടർന്നും ഉണ്ടായിരിക്കും .24 മണിക്കൂറും എല്ലാ വീടുകളിലും പൈപ്പു വെള്ളം ലഭ്യമാകും . ഡൽഹി മാലിന്യമുക്തമാക്കുമെന്നും കേജ്രിവാൾ ഉറപ്പു പറയുന്നു.
https://www.facebook.com/Malayalivartha