രാഹുൽ ഗാന്ധിയെ ജയിപ്പിച്ചത് കേരളീയരുടെ തെറ്റ്; ചരിത്രകാരൻ രാമചന്ദ്രഗുഹ; പരാമർശത്തിൽ രാമചന്ദ്ര ഗുഹയെ അഭിനന്ദിച്ച് ശശി തരൂർ
രാഹുൽ ഗാന്ധിയെ ജയിപ്പിച്ചത് കേരളീയർക്ക് പറ്റിയ തെറ്റാണെന്ന പരാമർശത്തെക്കുറിച്ച് കൂടുതൽ വിശദീകരണവുമായി ചരിത്രകാരൻ രാമചന്ദ്രഗുഹ മുന്നോട്ട് വന്നു . രാഹുൽ ഗാന്ധിയുടെ സാന്നിദ്ധ്യം ബി.ജെ.പിക്ക് ഗുണം ചെയ്തു എന്ന പരാമർശത്തെ കുറിച്ചും ഗുഹ വിശദീകരണം നൽകി.. ട്വിറ്ററിലൂടെയായിരുന്നു ഗുഹ തന്റെ നിലപാട് വ്യക്തമാക്കിയത്. കുടുംബാധിപത്യത്തിന്റെ പേരിലാണ് രാഹുൽ ഗാന്ധി രാഷ്ട്രീയത്തിലെത്തിയതെന്നും അതേസമയം, മോദി കഠിനാധ്വാനിയാണെന്നും സ്വയം പ്രയത്നിച്ചാണ് രാഷ്ട്രീയത്തിലെത്തിയതെന്നുമുള്ള ഗുഹയുടെ പരാമർശം വിവാദങ്ങൾക്ക് വഴിവെച്ചിരുന്നു.
എന്നാൽ താൻ എക്കാലത്തും ഹിന്ദുത്വ രാഷ്ട്രീയത്തെ വിമർശിച്ചയാളാണെന്നും അത് ഇനിയും തുടരുമെന്നും ഗുഹ വ്യക്തമാക്കി. തന്റെ പുസ്തകങ്ങളിലൂടെയും കോളങ്ങളിലൂടെയും മോദിയെ വിമർശ നത്തിനിരയാക്കിയിട്ടുണ്ട്. വിശാലമായ അര്ത്ഥത്തിലാണ് രാഹുലിനെ താൻ വിമർശിച്ചത്. പ്രസിഡൻഷ്യൽ രീതിയിലുള്ള തിരഞ്ഞെടുപ്പാണെങ്കിൽ രാഹുൽ ഗാന്ധിയെക്കാൾ പിന്തുണ മോദിക്കായിരുന്നുവെന്നാണ് താൻ ഉദ്ദേശിച്ചത്. കാരണം ഭരണകാര്യങ്ങളിൽ മോദിക്കാണ് കൂടുതൽ പരിചയം. പുറമെ അദ്ദേഹം സ്വയം ഉയർന്നുവന്ന രാഷ്ട്രീയക്കാരനാണെന്നും ഗുഹ വ്യക്തമാക്കുന്നു. പരാമർശത്തിൽ വിശദീകരണം നൽകിയ രാമചന്ദ്ര ഗുഹയെ അഭിനന്ദിച്ചു ശശി തരൂർ എത്തിയിരുന്നു.
https://www.facebook.com/Malayalivartha