പഞ്ചാബില്‍ ആസിഡ് ആക്രമണത്തില്‍ ദേശീയ കായികതാരമായ വിദ്യാര്‍ത്ഥിനിക്ക് ഗുരുതരമായി പൊള്ളലേറ്റു. ഗുര്‍ദാസ്പുര്‍ സ്വദേശിനിയായ പ്ലസ്ടൂ വിദ്യാര്‍ത്ഥിനി രാജിന്ദര്‍ കൗറാണ് ആക്രമണത്തിനിരയായത്. പ്ലസ്ടൂ ബോര്‍ഡ് പരീക്ഷയ്ക്കു ശേഷം വീട്ടിലേക്ക് പോകുകയായിരുന്ന പെണ്‍കുട്ടിക്കു നേരെ മുഖം മറച്ചെത്തിയ രണ്ട് അജ്ഞാത അക്രമികള്‍ വീടിനു സമീപത്തു വെച്ച് ആസിഡ് ഒഴിക്കുകയായിരുന്നു. അറുപത് ശതമാനത്തോളം പൊള്ളലേറ്റ പെണ്‍കുട്ടിയെ ആദ്യം ഗുര്‍ദാസ്പൂര്‍ സിവില്‍ ആശുപത്രിയിലേക്ക് കൊണ്ടുപോയി. പരിക്ക് ഗുരുതരമായതിനാല്‍ പെണ്‍കുട്ടിയെ പിന്നീട് അമൃത്സറിലെ ഗുരു നാനാക് ദേവ് ആശുപത്രിയിലേക്ക് മാറ്റി.
അതേസമയം, അക്രമികളെക്കുറിച്ചോ ആക്രമണത്തിനുള്ള കാരണത്തെക്കുറിച്ചോ പൊലീസിന് ഇതുവരെ വ്യക്തമായ സൂചനകളൊന്നും ലഭിച്ചിട്ടില്ല. എന്നാല്‍ പ്രണയഭ്യര്‍ഥന നിരസിച്ചതാകാം കാരണമെന്ന് പോലീസ് പറഞ്ഞു. പ്രതികളെ എത്രയും വേഗം അറസ്റ്റ് ചെയ്യണമെന്നും ശക്തമായ നടപടി സ്വീകരിക്കണമെന്ന് ഗുര്‍ദാസ്പുര്‍ ഡെപ്യൂട്ടി കമ്മീഷണറോട് സംസ്ഥാന വിദ്യാഭ്യാസ മന്ത്രി ദല്‍ജീത് സിംഗ് ചീമ ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha