കമല്‍ഹാസന്‍ അഭിനയിക്കുന്ന ചിത്രത്തിന്റെ ഷൂട്ടിങ് ലൊക്കേഷനില്‍ ക്രെയിന്‍ പൊട്ടിവീണുണ്ടായ അപകടത്തില്‍ മൂന്ന് പേര്‍ മരിച്ചു. പത്ത് പേര്‍ക്ക് പരിക്കേറ്റു. ഇന്ത്യന്‍ 2 സിനിമയുടെ ലോക്കേഷനിലാണ് അപകടമുണ്ടായത്. സിനിമയുടെ സംവിധായകന്‍ ശങ്കറിനും അപകടത്തില്‍ പരിക്കേറ്റിട്ടുണ്ട്. അപകടം നടക്കുമ്പോള്‍ കമല്‍ഹാസനും സെറ്റിലുണ്ടായിരുന്നു.ചെന്നൈ നഗരത്തിന്റെ പ്രാന്തപ്രദേശമായ പൂനാമലയിലെ ഇ.വി.പി സ്റ്റുഡിയോയിലാണ് അപകടമുണ്ടായത്.
150 അടി ഉയരമുള്ള ക്രെയിനാണ് മറിഞ്ഞ് വീണത്. രാത്രി 9.30ഓടെയായിരുന്നു സംഭവം. ശങ്കര്‍ സംവിധാനം ചെയ്യുന്ന ഇന്ത്യന്‍ 2ല്‍ കമല്‍ഹാസന് പുറമേ കാജള്‍ അഗര്‍വാള്‍, രാകുല്‍ പ്രീത്, സിദ്ധാര്‍ഥ്, പ്രിയാഭവാനി എന്നിവരും അഭിനയിക്കുന്നുണ്ട്.