മുസ്ലീങ്ങളെ 1947ല് തന്നെ പാകിസ്താനിലേയ്ക്ക് അയയ്ക്കണമായിരുന്നു വിവാദ പ്രസ്താവനയുമായി കേന്ദ്ര മന്ത്രി ഗിരിരാജ് സിംഗ്; ബിഹാറിലെ പൂര്ണിയയില് പൊതുയോഗത്തില് പ്രസംഗിക്കവേയാണ് മന്ത്രിയുടെ വിവാദ പ്രസംഗം; പ്രസ്താവനയെ തുടർന്ന് മന്ത്രിക്കു കനയ്യയുടെ പരിഹാസം
ബിജെപി നേതാക്കൾ വിവാദ പ്രസ്താവനയുമായി രംഗത്തെത്തുന്നത് ഇത് ആദ്യമായല്ല. എന്നാൽ വിമർശങ്ങൾ എത്ര തന്നെ വർദ്ധിച്ചാലും വീണ്ടുംപ്രസ്താവനകൾക്ക് ഒരു കുറവുമില്ല. ഇപ്പോഴിതാ രാജ്യത്തെ മുസ്ലീങ്ങളെല്ലാം 1947ല് തന്നെ പാകിസ്താനിലേയ്ക്ക് അയയ്ക്കണമായിരുന്നുവെന്ന പ്രസ്താവനയുമായി കേന്ദ്ര മന്ത്രി ഗിരിരാജ് സിംഗ് എത്തിയിരിക്കുന്നു.. ഇത് രാജ്യത്തോട് കൂറ് കാണിക്കാനുള്ള സമയമാണ്. 1947ന് മുമ്പ് മുഹമ്മദ് അലി ജിന്ന ഒരു ഇസ്ലാമിക രാഷ്ട്രം ആവശ്യപ്പെട്ടു. നമ്മുടെ പൂര്വികര് ചെയ്ത തെറ്റിന്റെ ഫലമാണ് നമ്മള് അനുഭവിക്കുന്നത്. മുസ്ലീങ്ങളെ മുഴുവന് അങ്ങോട്ട് വിട്ട് ഹിന്ദുക്കളെ മുഴുവന് ഇങ്ങോട്ട് കൊണ്ടുവന്നിരുന്നെങ്കില് നമ്മള് ഇന്ന് ഈ അവസ്ഥയിലാകുമായിരുന്നില്ല. ഭാരതവംശികള്ക്ക് ഇവിടെ അഭയമില്ലെങ്കില് അവരെവിടെ പോകും - ബിഹാറിലെ പൂര്ണിയയില് പൊതുയോഗത്തില് പ്രസംഗിക്കവേ ഗിരിരാജ് സിംഗ് പറഞ്ഞു.
ഉത്തര്പ്രദേശിലെ ദിയോബാന്ദിലുള്ള ഇസ്ലാമിക മതകേന്ദ്രം ഭീകരവാദികളുടെ ഉദ്ഭവ കേന്ദ്രമാണ് എന്ന ഗിരിരാജ് സിംഗിന്റെ പ്രസ്താവന വിവാദമായിരുന്നു. കഴിഞ്ഞ ദിവസം ബിജെപി ദേശീയ അധ്യക്ഷന് ജെ പി നദ്ദ ഇത് സംബന്ധിച്ച് ഗിരിരാജ് സിംഗിനോട് വിശദീകരണം തേടിയിരുന്നു. പൗരത്വ ഭേദഗതി നിയമവുമായി ബന്ധപ്പെട്ട് രാജ്യത്തിന്റെ വിവിധ ഭാഗങ്ങളില് നിന്ന് വന്ന 65 വിദ്വേഷപ്രസംഗങ്ങളില് 61ഉം നടത്തിയത് ബിജെപി നേതാക്കളാണ്. ഡല്ഹി നിയമസഭ തിരഞ്ഞെടുപ്പിനിടെ കേന്ദ്ര മന്ത്രി അനുരാഗ് താക്കൂര് നടത്തിയ കൊലവിളി പ്രസംഗം വലിയ വിവാദമാവുകയും താക്കൂറിനെ പ്രചാരകലിസ്റ്റില് നിന്ന് തിരഞ്ഞെടുപ്പ് കമ്മീഷന് നീക്കിയിരുന്നു. ബിജെപി നേതാക്കളായ പര്വേഷ് സാഹിബ് സിംഗ് വര്മയ്ക്കും കപില് മിശ്രയ്ക്കും എതിരെയും വിദ്വേഷ പ്രസംഗങ്ങളുടെ പേരില് തിരഞ്ഞെടുപ്പ് കമ്മീഷന് നടപടി സ്വീകരിച്ചിരുന്നു. പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തര മന്ത്രി അമിത് ഷായും നഗ്നമായ വര്ഗീയ പ്രസംഗങ്ങളാണ് ഡല്ഹി തിരഞ്ഞെടുപ്പ് പ്രചാരണത്തില് നടത്തിയത്.
അതേസമയം ഗിരിരാജ് സിംഗിനെ രൂക്ഷമായി വിമര്ശിച്ച് സിപിഐ നേതാവും ബെഗുസാരായില് ലോക്സഭ തിരഞ്ഞെടുപ്പില് ഗിരിരാജ് സിംഗിന്റെ എതിരാളിയുമായിരുന്ന കനയ്യ കുമാര് രംഗത്തെത്തി. അദ്ദേഹത്തെ വിസാ മന്ത്രിയാക്കണം. ലാഹോറില് ട്രാവല് ഏജന്സി തുടങ്ങണം - കനയ്യ പരിഹസിച്ചു.
https://www.facebook.com/Malayalivartha