സംസ്ഥാന സര്‍ക്കാറിന്‍റെ പുതിയ മദ്യനയം ...പബ്ബും ബ്രൂവറിയും ഇപ്പോൾ വേണ്ട സംസ്ഥാന സര്‍ക്കാറിന്‍റെ പുതിയ മദ്യനയത്തിന് മന്ത്രിസഭയുടെ അംഗീകാരം

പബ്ബ്, ബ്രൂവറി എന്നിവ ഒഴിവാക്കിയുള്ള സംസ്ഥാന സര്‍ക്കാറിന്‍റെ പുതിയ മദ്യനയത്തിന് മന്ത്രിസഭയുടെ അംഗീകാരം. അജണ്ടക്ക് പുറത്തുള്ള വിഷയമായാണ് കരട് മദ്യനയം മന്ത്രിസഭായോഗം പരിഗണിച്ചത്. തെരഞ്ഞെടുപ്പ് വര്‍ഷമായതിനാല്‍ പബ്ബും ബ്രൂവറിയും വേണ്ടെന്ന് സി.പി.എം സംസ്ഥാന സെക്രട്ടറിയേറ്റ് സര്‍ക്കാറിനോട് നിര്‍ദേശിച്ചിരുന്നു. ഇതിന്‍റെ അടിസ്ഥാനത്തിലാണ് പുതിയ തീരുമാനം. ഒന്നാം തീയതിയിലെ ഡ്രൈ ഡേ അതുപോലെ തുടരും...

ബാറുകളുടെ ലൈസന്‍സ് ഫീസ് വര്‍ധിപ്പിക്കും. ഡിസ്റ്റിലറികളില്‍ നിന്ന് ടൈ-അപ്പ് ഫീസ് ഈടാക്കും. കള്ളുഷാപ്പുകളുടെ ലേലം പുനഃരാരംഭിക്കും. ടോഡി ബോര്‍ഡ് നിലവില്‍ വരുന്നത് വരെ ഷാപ്പ് ലേലം തുടരും. ക്ലബ്ബുകളുടെ വാര്‍ഷിക ലൈസന്‍സ് ഫീ എടുത്ത് കളയാനും പുതിയ മദ്യനയം വ്യവസ്ഥ ചെയ്യുന്നു

ബാറുകളുടെ വാർഷിക ഫീസ് 28 ലക്ഷം രൂപയിൽനിന്ന് 30 ലക്ഷം രൂപയായി വർധിപ്പിച്ചു. ക്ലബ്ബുകളുടെ ബാർ ലൈസൻസ് ഫീസ് 15 ലക്ഷത്തിൽനിന്ന് 20 ലക്ഷമാക്കി ഉയർത്തി. ഈ നിർദേശങ്ങൾ അടങ്ങിയ മദ്യനയം മന്ത്രിസഭ അംഗീകരിച്ചു.ഏപ്രിൽ ഒന്ന് മുതൽ മദ്യനയം പ്രാബല്യത്തിൽവരും....