കൊറോണ വൈറസ് വ്യാപനം തടയുന്നതിന്റെ ഭാഗമായി രാജ്യാന്തര വിമാന സര്വീസുകള് ഏപ്രിലില് 14 വരെ നിര്ത്തിവെച്ചു
കൊറോണ വൈറസ് വ്യാപനം തടയുന്നതിന്റെ ഭാഗമായി രാജ്യാന്തര വിമാന സര്വീസുകള് നിര്ത്തിവച്ചത് ഏപ്രിലില് 14 വരെ നീട്ടി. രാജ്യത്ത് നിന്നു പുറത്തേക്കും രാജ്യത്തേക്കുമുള്ള എല്ലാ തരം രാജ്യാന്തര വിമാന സര്വീസുകളും നിര്ത്തിവച്ചിരിക്കുകയാണ്. ആഭ്യന്തര സര്വീസുകളും നിര്ത്തിയിട്ടുണ്ട്. 31 വരെയാണ് ആഭ്യന്തര സര്വീസുകള് റദ്ദാക്കിയിരിക്കുന്നത്. ഇതും നീട്ടിയേക്കുമെന്ന് സൂചനയുണ്ട്.
എന്നാല് ചരക്ക് വിമാനങ്ങള്ക്ക് വിലക്കില്ല. ട്രെയിന്, മെട്രോ, അന്തര്സംസ്ഥാന ബസ് സര്വീസുകള് എന്നിവയെല്ലാം കൊറോണ പ്രതിരോധത്തിന്റെ ഭാഗമായി നിര്ത്തിവച്ചിരിക്കുകയാണ്. കൊറോണ വൈറസ് ബാധിച്ച രാജ്യങ്ങളിലേക്കുള്ള വിമാന സര്വീസുകള് നിര്ത്തുക, ടൂറിസ്റ്റ് വീസകള് താത്കാലികമായി നിര്ത്തുക, എല്ലാ പൊതു പരിപാടികളും നിരോധിക്കുക എന്നിവയടക്കം വൈറസ് പടരാതിരിക്കുന്നതിനു രാജ്യം നിരവധി മുന്കരുതല് നടപടികള് സ്വീകരിച്ചിട്ടുണ്ട്.
https://www.facebook.com/Malayalivartha
