മാതൃത്വത്തിന് മുന്നില് തലകുമ്പിട്ട് കോവിഡ്. കോവിഡ് ബാധിച്ച യുവതി പ്രസവിച്ചു. ഇന്ത്യയില് ആദ്യം.
മഹാവ്യാധിയായി മാറിക്കഴിഞ്ഞ കൊറോണ വരുത്തിവച്ച വിനാശങ്ങളുടേയും നഷ്ടങ്ങളുടേയും കഥയാണ് നിരന്തരം മുന്നിലേക്കെത്തുന്നത്. എന്നാല് മാതൃത്വത്തിനു മുന്നില് കോവിഡ് മുട്ടുമടക്കിയതിന്റെ, പ്രത്യാശ പകരുന്ന ഒരു വാര്ത്തയാണ് ഇപ്പോള് പ്രേക്ഷകരോട് പങ്കുവയ്ക്കാനുള്ളത്. കോവിഡ് ബാധയെ തുടര്ന്ന് ചികിത്സയിലായിരുന്ന യുവതി ആണ്കുഞ്ഞിനു ജന്മം നല്കി. രാജ്യത്ത് ആദ്യമായാണ് കോവിഡ് ബാധിതയായ സ്ത്രീ കുഞ്ഞിനു ജന്മം നല്കുന്നത്. ഡല്ഹി എയിംസ് ആശുപത്രിയില്വച്ച് വെള്ളിയാഴ്ച ഉച്ചയോടെയായിരുന്നു പ്രസവം. എയിംസിലെ തന്നെ ഡോക്ടറായ ഭര്ത്താവിനും ഇയാളുടെ സഹോദരനും കൊവിഡ് ബാധിച്ചിരുന്നു. അമ്മയും കുഞ്ഞും സുഖമായിരിക്കുന്നു. കുഞ്ഞിനെ ഇതുവരെ പരിശോധനക്ക് വിധേയമാക്കിയിട്ടില്ല. എന്തെങ്കിലും ലക്ഷണം കാണിച്ചാല് മാത്രമേ പരിശോധിക്കൂവെന്ന് ആശുപത്രി അധികൃതര് പറഞ്ഞു.
കുഞ്ഞിനെ നേരിട്ട് ബന്ധപ്പെടാത്ത രീതിയില് അമ്മയോടൊപ്പമാണ് താമസിപ്പിച്ചിരിക്കുന്നത്. മുലപ്പാലും നല്കുന്നുണ്ട്. പ്രസവം വെല്ലുവിളിയായിരുന്നുവെന്ന് യുവതി ശ്വാസസംബന്ധമായ പ്രശ്നങ്ങള് പ്രകടിപ്പിച്ചെന്നും ഡോക്ടര്മാര് പറഞ്ഞു. എന്നാല്, ഇപ്പോള് അമ്മയുടെയും കുഞ്ഞിന്റെയും ആരോഗ്യ നില തൃപ്തികരമാണെന്നും ആശുപത്രി അധികൃതര് അറിയിച്ചു. അമ്മയ്ക്ക് കോവിഡ് ബാധയുള്ളതിനാല് കുട്ടിയെ കൂടുതല് നിരീക്ഷണങ്ങള്ക്ക് വിധേയമാക്കുമെന്ന് ആശുപത്രി അധികൃതര് വ്യക്തമാക്കി.
10 പേരടങ്ങുന്ന ഡോക്ടര്മാരുടെ സംഘമാണ് പ്രസവത്തിന് നേതൃത്വം നല്കിയത്. പ്രസവത്തിനായി ഐസൊലേഷന് വാര്ഡ് ഓപ്പറേഷന് തിയേറ്ററാക്കി മാറ്റുകയായിരുന്നു. പ്രസവസമയത്ത് യുവതി ശ്വാസസംബന്ധമായ പ്രശ്നങ്ങള് പ്രകടിപ്പിച്ചത് വെല്ലുവിളിയായിരുന്നെന്ന് ഡോക്ടര്മാര് പറഞ്ഞു. യുവതിയുടെ ഭര്ത്താവിനും കോവിഡ് പോസിറ്റീവാണ്. വ്യാഴാഴ്ചയാണ് യുവതിയെ കോവിഡ് ബാധിച്ച് ആശുപത്രിയില് പ്രവേശിപ്പിച്ചത്.ഇയാളെയും വ്യാഴാഴ്ച തന്നെയാണ് ആശുപത്രിയില് പ്രവേശിപ്പിച്ചത്. കേരളത്തില് 27കാരിയായ ഗര്ഭിണിക്കും കൊവിഡ് സ്ഥിരീകരിച്ചിരുന്നു.
കൊറോണ കാലത്ത് ജനിച്ച ഇരട്ട കുഞ്ഞുങ്ങള്ക്ക് 'കൊറോണ', 'കോവിഡ്' എന്നു പേരിട്ട വാര്ത്ത നേരത്തെ പുറത്തുവന്നിരുന്നു. കൊറോണ വൈറസ് ലോകത്തെ ഭീതിയിലാഴ്ത്തുമ്പോള് നവജാത ശിശുക്കള്ക്ക് കൊറോണയെന്നും കോവിഡെന്നും പേരിട്ടത് ഛത്തീസ്ഗഡിലെ ദമ്പതികളാണ്. ഡോ. ബി.ആര്.അംബേദ്കര് മെമ്മോറിയല് ആശുപത്രിയില് ജനിച്ച ഇരട്ടക്കുട്ടികളായ ആണ്കുട്ടിക്കും പെണ്കുട്ടിക്കുമാണ് ഈ പേര് നല്കിയത്. ലോക്ക്ഡൗണിനിടയില് അവര് തരണം ചെയ്ത എല്ലാ പ്രയാസങ്ങളെയും കുറിച്ച് ഈ പേരുകള് അവരെ ഓര്മ്മിപ്പിക്കുമെന്ന് ദമ്പതികള് പറഞ്ഞു. പിന്നീട് തങ്ങളുടെ തീരുമാനം മാറ്റിയേക്കുമെന്നും കുഞ്ഞുങ്ങള്ക്ക് പുതിയ പേരിടുമെന്നും ദമ്പതികള് പറഞ്ഞു.
https://www.facebook.com/Malayalivartha
