കൊറോണയ്‌ക്കെതിരെയുള്ള പോരാട്ടത്തിന്റെ ഭാഗമായി രാത്രി ഒമ്ബത് മണിക്ക് ദീപം തെളിയിക്കണമെന്ന് പ്രധാനമന്ത്രി നരേന്ദ്ര മോഡിയുടെ ആഹ്വാനം പാലിച്ച് കൊണ്ട് പുറത്ത് വരുന്ന വാർത്തകളാണ് സോഷ്യൽമീഡിയയിൽ നിറയുന്നത്. 'ചൈന വൈറസ് ഗോ ബാക്ക്' എന്ന മുദ്രാവാക്യമാണ് തെലങ്കാനയിലെ ബിജെപിയുടെ ഏക എംഎല്‍എ രാജാ സിംഗ് വിളിക്കുന്നത്.

ഞായറാഴ്ച രാത്രി ആളെക്കൂട്ടി പന്തം കൊളുത്തി പ്രകടനവുമായിട്ടാണ് അദ്ദേഹം ഈ മുദ്രാവാക്യം വിളിച്ചത്.മാസ്ക് മുഖത്ത് വച്ചിരുന്നെങ്കിലും, അദ്ദേഹം അത് മൂക്ക് മൂടി ധരിച്ചിരുന്നില്ല എന്നതും വ്യക്തമാണ്. ഞായറാഴ്ച രാത്രി ഒമ്ബത് മിനിറ്റ് വിളക്കുകളണച്ച്‌ ഒമ്ബത് മിനിറ്റ് വിളക്കോ മെഴുകുതിരിയോ മൊബൈല്‍ ഫോണിലെ ഫ്ലാഷ് ലൈറ്റുകളോ കാണിക്കണമെന്ന് പ്രധാനമന്ത്രി നരേന്ദ്രമോദി ആഹ്വാനം ചെയ്തതിന് പിന്തുണയുമായാണ് രാജാ സിംഗ് തെരുവിലിറങ്ങിയത്. കയ്യില്‍ പന്തം കൊളുത്തി ഇറങ്ങിയ രാജ സിംഗും കൂട്ടാളികളും ഉറക്കെ വിളിച്ചു പറഞ്ഞു.

'ഗോ ബാക്ക്, ഗോ ബാക്ക്, ചൈന വൈറസ് ഗോ ബാക്ക്'. പന്ത്രണ്ടോ അതിലധികമോ അനുയായികള്‍ അദ്ദേഹത്തിനൊപ്പം മുദ്രാവാക്യം വിളിക്കാന്‍ ഉണ്ടായിരുന്നു. മുഖത്ത് മാസ്ക് ധരിച്ചിരുന്നില്ല എന്ന് മാത്രമല്ല, ഇദ്ദേഹം സാമൂഹ്യാകലം പാലിക്കുന്നേയുണ്ടായിരുന്നില്ല എന്ന് വ്യക്തം.

കൂട്ടം കൂടിയാണ് ഇദ്ദേഹവും അനുയായികളും നടന്നിരുന്നത്.സാമൂഹ്യമാധ്യമങ്ങളില്‍ ദൃശ്യങ്ങള്‍ വൈറലായെങ്കിലും രാജ സിംഗ് പിന്‍മാറാന്‍ തയ്യാറല്ല. അദ്ദേഹം സ്വന്തം ട്വിറ്റര്‍ ഹാന്‍ഡിലില്‍ തന്നെ ഈ പ്രകടനത്തിന്‍റെ ചിത്രം പങ്കുവച്ചു.