മധ്യപ്രദേശ് ധനമന്ത്രി ജയന്ത് മല്യയെ ട്രെയിനില് തോക്കുചൂണ്ടി കൊള്ളയടിച്ചു
മധ്യപ്രദേശ് ധനമന്ത്രി ജയന്ത് മല്യയെ ട്രെയിനില് തോക്കുചൂണ്ടി കൊള്ളയടിച്ചു. ജബല്പൂര്- നിസാമുദ്ദീന് എക്സ്പ്രസിലെ ഫസ്റ്റ് എസി കോച്ചിലാണ് സംഭവം. ഭാര്യയ്ക്കൊപ്പം ഡല്ഹിയിലേക്ക് യാത്ര ചെയ്യുകയായിരുന്നു മന്ത്രി.
യുപിയിലെ മഥുരയ്ക്കു സമീപം കോസി കാലാന് സ്റ്റേഷനില് ട്രെയിന് എത്തിയപ്പോഴായിരുന്നു സംഭവം. മുഖംമൂടി ധരിച്ചെത്തിയ ആറു പേരടങ്ങുന്ന സംഘമാണ് ആക്രമിച്ചത്. മഥുരയില് നിന്ന് ട്രെയിനില് കയറിയ ഇവര്, ടിടിഇ ആണെന്നു സ്വയം പരിചയപ്പെടുത്തിയായിരുന്നു ആക്രമണം.
മന്ത്രിയും ഭാര്യയും സഞ്ചരിച്ചിരുന്ന കൂപ്പയില് പ്രവേശിച്ച കൊള്ളക്കാര് ഇരുവരെയും തോക്കുചൂണ്ടി ഭയപ്പെടുത്തി. ചെയിന് വലിച്ച് വിവരം ആരെയെങ്കിലും അറിയിച്ചാല് അപായപ്പെടുത്തുമെന്നും പറഞ്ഞു. മോഷണത്തിനുശേഷം ഇവര് ചെയിന് വലിച്ച് ട്രെയിന് നിര്ത്തി രക്ഷപ്പെടുകയായിരുന്നു.ട്രെയിനിലെ മറ്റു യാത്രക്കാരെയും ആയുധധാരികളായ സംഘം കൊള്ളയടിച്ചു.
തുടര്ന്ന് ഹജ്റാത്ത് നിസാമുദ്ദീന് സ്റ്റേഷനിലെത്തിയ മന്ത്രി റയില്വേ പൊലീസില് പരാതി നല്കി. 25,000 രൂപ, സ്വര്ണമാല, ഭാര്യയുടെ താലിമാല, മോതിരങ്ങള്, കൈച്ചെയിന്, മറ്റുവിലപിടിപ്പുള്ള വസ്തുക്കള് തുടങ്ങിയവ നഷ്ടപ്പെട്ടതായി പരാതിയില് പറയുന്നു. കേസ് റജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്. സംഭവത്തില് മൂന്ന് ആര്പിഎഫ് ഉദ്യോഗസ്ഥരെ സസ്പെന്ഡ് ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha