ഐഎഎസ് ഉദ്യോഗസ്ഥന്റെ ആത്മഹത്യ, അന്വേഷണം സഹപ്രവര്ത്തകയിലേക്ക്
കര്ണാടകയിലെ ഐഎഎസ് ഉദ്യോഗസ്ഥനായ ഐഎഎസ് ഉദ്യോഗസ്ഥന് ഡികെ രവി ആത്മഹത്യ ചെയ്ത സംഭവത്തില് അന്വേഷണം സഹപ്രവര്ത്തകയെ കേന്ദ്രീകരിച്ച്. ഇതിന് തെളിവുകള് ലഭിച്ചതിനെത്തുടര്ന്ന് പൊലീസ് 2009ലെ ഐ.എ.എസ് പരിശീലന കാലത്തെ സഹപാഠിയായിരുന്ന ഐ.എ.എസ് ഉദ്യോഗസ്ഥയെ തുടരന്വേഷണത്തിനായി സമീപിച്ചു. ആത്മഹത്യ നടന്ന ദിവസം ഡി.കെ. രവി നിരവധി തവണ തന്റെ സഹപാഠിയുമായി ഫോണില് ബന്ധപ്പെട്ടതായി അന്വേഷണ ഉദ്യോഗസ്ഥര് വെളിപ്പെടുത്തി.
സംഭവം നടന്ന ദിവസം ഒരു മണിക്കൂറിനിടെ 44 തവണ ഇവരുമായി അദ്ദേഹം ഫോണില് ബന്ധപ്പെട്ടിരുന്നതിന്റെ തെളിവുകളാണ് ലഭിച്ചത്. തെക്കന് കര്ണാടകയില് പ്രവര്ത്തിക്കുന്ന വിവാഹിതയായ ഇവരുമായാണ് അദ്ദേഹം അവസാനമായി സംസാരിച്ചത്. ഇത് കേസില് പുതിയ വഴിതിരിവാകുമെന്ന് സംസ്ഥാനത്തെ ക്രിമിനല് ഇന്വെസ്റ്റിഗേഷന് ഡിപ്പാര്ട്ട്മെന്റ് കരുതുന്നു. തന്റെ ഫേസ് ബുക്ക് പേജില് രവി ഒരു വനിതാ ഐ.എ.എസ് ഓഫീസറുടെ നേട്ടങ്ങളെക്കുറിച്ചുള്ള വിവരങ്ങള് പതിവായി പങ്കുവയ്ക്കാറുണ്ട്. ഇവരുമായുള്ള ബന്ധം മൂലം വര്ഷങ്ങള്ക്കു മുമ്പു തന്നെ ഇദ്ദേഹത്തിന്റെ കുടുംബബന്ധം തകര്ന്നതായും ആരോപണമുണ്ട്.
കൊമേഴ്ഷ്യല് ടാക്സ് ഡിപ്പാര്ട്ട്മെന്റിലെ മുന് അഡീഷണല് കമ്മീഷണറായിരുന്ന ഡി.കെ. രവിയെ കഴിഞ്ഞ 16നാണ് ദുരൂഹ സാഹചര്യത്തില് ബാംഗ്ലൂരിലെ തന്റെ ഫ്ലാറ്റില് ആത്മഹത്യ ചെയ്യപ്പെട്ട നിലയില് കണ്ടെത്തിയത്. വ്യക്തിപരമായ കാരണങ്ങളാലാണ് ആത്മഹത്യയെന്ന് സംസ്ഥാന ഗവണമെന്റ് പ്രസ്താവന നടത്തിയെങ്കിലും പ്രതിപക്ഷം കേസില് സി.ബി.ഐ അന്വേഷണം ആവശ്യപ്പെട്ടിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
