കോവിഡ് 19യുടെ പശ്ചാത്തലത്തില്‍ കേന്ദ്ര കാബിനറ്റ് സെക്രട്ടറി രാജീവ് ഗൗബ ചീഫ് സെക്രട്ടറിമാരുടെ യോഗം വിളിച്ചു. ചീഫ് സെക്രട്ടറിമാര്‍ക്കു പുറമേ സംസ്ഥാന പോലീസ് മേധാവികളും വിഡീയോ കോണ്‍ഫറന്‍സിംഗില്‍ സംബന്ധിക്കും. മേയ് മൂന്നിന് ലോക്ക്ഡൗണ്‍ അവസാനിക്കാനിരിക്കെയാണ് കാബിനറ്റ് സെക്രട്ടറി യോഗം വിളിച്ചത്.
ലോക്ക്ഡൗണ്‍ സംബന്ധിച്ചും യോഗത്തില്‍ ചര്‍ച്ചയാകും. സംസ്ഥാനങ്ങളുടെ സ്ഥിതിഗതികള്‍ വിലയിരുത്തുന്നതിനായാണ് യോഗം വിളിച്ചിരിക്കുന്നത്. പ്രവാസികളുടെ പ്രശ്‌നങ്ങളും യോഗത്തില്‍ ചര്‍ച്ചയാകും. പ്രവാസികളെ മടക്കി കൊണ്ടുവരണമെന്ന് കേരളം നേരത്തെ ആവശ്യപ്പെട്ടിരുന്നു.