ചീഫ് വിജിലന്‍സ് കമ്മീഷണറായി വിരമിച്ച ഐഎഎസ് ഉദ്യോഗസ്ഥന്‍ സഞ്ജയ് കോത്താരി ചുമതലയേറ്റു. രാഷ്ട്രപതി ഭവനില്‍ ശനിയാഴ്ച നടന്ന ചടങ്ങില്‍ അദ്ദേഹം സത്യപ്രതിഞ്ജ ചെയ്തു ചുമതലയേറ്റു. രാഷ്ട്രപതി രാംനാഥ് കോവിന്ദ്, പ്രധാനമന്ത്രി നരേന്ദ്ര മോദി, ഉപരാഷ്ട്രപതി വെങ്കയ്യ നായിഡു തുടങ്ങിയവര്‍ സത്യപ്രതിഞ്ജ ചടങ്ങില്‍ പങ്കെടുത്തു. കോവിഡ് 19 പ്രോട്ടോക്കോള്‍ അനുസരിച്ചാണ് എല്ലാവരും ചടങ്ങില്‍ പങ്കെടുത്തത്.

1978 ബാച്ച് ഹരിയാന കേഡര്‍ ഐഎഎസ് ഉദ്യോഗസ്ഥനാണ് സഞ്ജയ് കോത്താരി. രാഷ്ട്രപതിയുടെ സെക്രട്ടറിയായി ഇദ്ദേഹം സേവനമനുഷ്ഠിച്ചിട്ടുണ്ട്.