മലയാളി വാര്ത്തയുടെ കണ്ടെത്തല് സത്യമായി... കേരള നേതാക്കള്ക്ക് മാണിയെ വേണ്ട മോഡിക്ക് മാണിയെ വേണം; സംസ്ഥാന ധനമന്ത്രിമാരുടെ ഉന്നതാധികാര സമിതി അധ്യക്ഷനായി മാണിയെ തെരഞ്ഞെടുത്തു
ചരക്കുസേവന നികുതി ഉന്നതാധികാര സമിതി (ജിഎസ്ടി) അധ്യക്ഷനായി കെ.എം.മാണിയെ തിരഞ്ഞെടുത്തു. സംസ്ഥാന ധനമന്ത്രിമാരുടെ സമിതിയാണ് ഉന്നതാധികാര സമിതി. കേന്ദ്രത്തില് അധികാരം പങ്കിടാത്ത സംസ്ഥാനത്തുനിന്നുള്ള മന്ത്രിക്ക് പരിഗണന നല്കിയത്.
മാണി ഉന്നതാധികാര സമിതി അധ്യക്ഷനാകുമെന്ന് മാര്ച്ച് 19ന് മലയാളിവാര്ത്ത എസ്ക്ലൂസീവായി വാര്ത്ത നല്കിയിരുന്നു.
മാണിയെ കൂടാതെ ബംഗാള് ധനമന്ത്രി അമിത് മിത്രയും അവസാന നിമിഷം വരെ പരിഗണനയില് ഉണ്ടായിരുന്നു. ജമ്മു കശ്മീര് ധനമന്ത്രി അബ്ദുള് റഷീദായിരുന്നു നേരത്തെയുള്ള അധ്യക്ഷന്. വെള്ളിയാഴ്ച കേന്ദ്ര ധനമന്ത്രി അരുണ് ജയ്റ്റ്ലി ധനമന്ത്രിമാരുമായി സംസാരിക്കുമെന്നാണ് റിപ്പോര്ട്ടുകള്.
കേന്ദ്രം ഭരിക്കുന്ന കക്ഷിയില് പെടാത്ത സംസ്ഥാന മന്ത്രിമാരെയാണ് ഉന്നതാധികാരത്തില് അധ്യക്ഷ സ്ഥാനത്തേക്ക് പരിഗണിക്കാറുള്ളത്. സംസ്ഥാനങ്ങളിലെ ധനമന്ത്രിമാരെ ഏകോപിപ്പിച്ച് ചരക്ക് സേവന നികുതി നടപ്പിലാക്കാനുള്ള ചുമതലയാണ് പുതിയ അധ്യക്ഷനുള്ളത്.
പതിമൂന്ന് ബജറ്റുകള് അവതരിപ്പിച്ച ഇന്ത്യയിലെ ഏറ്റവും സീനിയറായ ധനമന്ത്രി എന്ന സ്ഥാനമാണ് കെ എം മാണിക്ക് ഗുണകരമായി മാറിയിട്ടുള്ളത്. അന്പതു വര്ഷത്തെ നിയമസഭാ പരിചയവും അദ്ദേഹത്തിന് ഗുണകരമായി മാറിയിരിക്കുന്നു. കെ.എം മാണി സംസ്ഥാന മന്ത്രി സഭയില് ആദ്യമായെത്തിയതും ധനമന്ത്രിയായിട്ടാണ്.
കെഎം മാണിയുടെ ഭരണ പരിചയം അധ്യക്ഷ സ്ഥാനത്തേക്ക് പരിഗണിക്കുമ്പോള് ബംഗാള് ധനമന്ത്രി അമിത് മിത്രക്ക് അത്തരം നേട്ടങ്ങള് പറയാനാവില്ല. ഹിന്ദി മേഖലയില് നിന്നുള്ള ധനമന്ത്രിമാര് എന്തു തീരുമാനമെടുക്കും എന്ന് മാത്രമാണ് ഇനി അറിയാനുള്ളത്. അവര് മലയാളിയെ തെരഞ്ഞെടുക്കാന് തയ്യാറായാല് അത് സംസ്ഥാനത്തിന് ഗുണകരമായി മാറും.
കേരളത്തില് നിന്നും ഇതുവരെ ഉന്നതാധികാക സമിതി അധ്യക്ഷന് തെരഞ്ഞെടുക്കപ്പെട്ടിട്ടില്ല. ഉന്നതാധികാര സമിതി അധ്യക്ഷ സ്ഥാനം കേരളത്തിന് ലഭിക്കുകയാണെങ്കില് കൂടുതല് കേന്ദ്ര പദ്ധതികള് കേരളത്തിലേയ്ക്ക് കൊണ്ടു വരാന് കഴിയും. നരേന്ദ്ര മോഡിക്ക് മാണിയെ അധ്യക്ഷ സ്ഥാനത്ത് കൊണ്ടു വരാനാണ് താത്പര്യം. മോഡിയുമായി മാണിക്ക് അടുത്ത ബന്ധമുണ്ട്. മാണിയാകട്ടെ ബിജെപി രാഷ്ട്രീയത്തെ ഇതുവരെ തള്ളി പറഞ്ഞിട്ടുമില്ല.
മാര്ച്ച് 19ന് മലയാളിവാര്ത്ത നല്കിയ വാര്ത്ത കൂടി വായിക്കുക
മുറ്റത്തെ മുല്ലയ്ക്ക് മണമില്ല; മാണിയെ ദേശീയ സമിതി അധ്യക്ഷനാകാന് മോദി
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
