ആം ആദ്മി പാര്‍ട്ടിയില്‍ വീണ്ടും ഭിന്നത രൂക്ഷമായി. എ.എ.പിയുടെ നിര്‍ണ്ണായ നാഷ്ണല്‍ കൗണ്‍സില്‍ മീറ്റിംഗ് ശനിയാഴ്ച ചേരാനിരിക്കെയാണ് പ്രശാന്ത് ഭൂഷനും യോഗേന്ദ്ര യാദവും പാര്‍ട്ടി നേതൃത്വത്തിനെതിരെ പരസ്യമായി രംഗത്ത് വന്നത്. ഇരു നേതാക്കളും പാര്‍ട്ടി നേതൃത്വത്തിനെതിരെ ഡല്‍ഹിയില്‍ പത്രസമ്മേളനം നടത്തി. ഇരു നേതാക്കളും നേതൃത്വത്തിനെതിരെ ഗുരുതര ആരോപണങ്ങളാണ് ഉന്നയിച്ചത്.
ഇരുവരും പാര്‍ട്ടിയില്‍ തുടര്‍ന്നാല്‍ ആം ആദ്മി പാര്‍ട്ടി വിട്ട് പുതിയ പാര്‍ട്ടി രൂപീകരിക്കുമെന്ന് കെജ്രിവാള്‍ ഭീഷണിപ്പെടുത്തിയതായി ഭൂഷനും യാദവും ആരോപിച്ചു. ലോക്‌സഭാ തെരഞ്ഞെടുപ്പിലെ പരാജയത്തിന് പിന്നാലെ കോണ്‍ഗ്രസുമായി ചേര്‍ന്ന് വീണ്ടും സര്‍ക്കാര്‍ രൂപീകരിക്കാന്‍ കെജ്രിവാള്‍ ശ്രമിച്ചതായും പ്രശാന്ത് ഭൂഷനും യോഗേന്ദ്ര യാദവും ആരോപിച്ചു. പാര്‍ട്ടിയുടെ ദേശീയ എക്‌സിക്യൂട്ടീവില്‍ നിന്നും തങ്ങള്‍ രാജിവച്ചുവെന്ന കള്ളം പ്രചരിപ്പിക്കുകയാണ് പാര്‍ട്ടി നേതൃത്വം ചെയ്യുന്നതെന്നും ഇരുവരും ആരോപിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha