ആം ആദ്മി പാര്‍ട്ടിയിലെ ആഭ്യന്തരപ്രശ്‌നങ്ങള്‍ ഡല്‍ഹിയുടെ വികസനത്തെ ബാധിക്കാതിരിക്കാന്‍ പാര്‍ട്ടി നേതൃത്ത്വം ശ്രദ്ധിക്കണമെന്ന് സി പി എം പോളിറ്റ് ബ്യൂറോ അംഗം സീതാറാം യെച്ചൂരി അഭിപ്രായപ്പെട്ടു. ഏറെ പ്രതീക്ഷയോടെയാണ് ആം ആദ്മിയെ ഡല്‍ഹിയിലെ ജനത തിരഞ്ഞെടുത്തതെന്നും, അവര്‍ക്ക് നല്‍കിയ വാഗ്ദാനങ്ങള്‍ നടപ്പിലാക്കേണ്ടത് ആം ആദ്മി പാര്‍ട്ടിയുടെ കടമയാണെന്നും അദ്ദേഹം അഭിപ്രായപ്പെട്ടു. ആം ആദ്മി പാര്‍ട്ടിക്കുള്ളിലെ സംഘടനാപ്രശ്‌നങ്ങളില്‍ ജനം ബുദ്ധിമുട്ടരുതെന്നും ജമ്മുവില്‍ ഒരു പരിപാടിയില്‍ പങ്കെടുത്ത് സംസാരിക്കവേ സീതാറാം യെച്ചൂരി പറഞ്ഞു. ശനിയാഴ്ച ആം ആദ്മി പാര്‍ട്ടിയുടെ ദേശീയ എക്‌സിക്യൂട്ടീവില്‍ നിന്നും യോഗേന്ദ്ര യാദവിനെയും ഭൂഷണിനേയും പുറത്താക്കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha