ദു:ഖ വെള്ളി ദിനത്തിലെ ചീഫ് ജസ്റ്റീസുമാരുടെ യോഗം മാറ്റാനാവില്ലെന്ന് സുപ്രീംകോടതി, മുന് വര്ഷങ്ങളിലും അവധി ദിവസങ്ങളില് യോഗം നടത്തിയിട്ടുണ്ടെന്ന് കോടതി
വെള്ളിയാഴ്ച നടത്താന് തീരുമാനിച്ചിരിക്കുന്ന ഹൈക്കോടതി ചീഫ് ജസ്റ്റിസുമാരുടെ യോഗം മാറ്റി വയ്ക്കണമെന്ന് ആവശ്യപ്പെട്ട് സമര്പ്പിക്കപ്പെട്ട ഹര്ജി സുപ്രീം കോടതി തള്ളി. പൊതു അവധി ദിവസം യോഗം നടത്തുന്നതിനെതിരേ അഭിഭാഷകയായ ലില്ലി തോമസ് സമര്പ്പിച്ച ഹര്ജിയാണ് ചീഫ് ജസ്റ്റിസ് എച്ച്.എല്.ദത്തു അദ്ധ്യക്ഷനായ ബെഞ്ച് തള്ളിയത്.
2002, 2007, 2009 വര്ഷങ്ങളിലും പൊതു അവധി ദിവസം ചീഫ് ജസ്റ്റിസുമാരുടെ യോഗം വിളിച്ചിട്ടുണ്ട്. അന്നൊന്നും ഇല്ലാത്ത ആത്മീയതയും വിശ്വാസവും സംബന്ധിച്ച പ്രശ്നങ്ങള് ഇപ്പോള് എവിടെ നിന്നാണ് വന്നത്, രാജ്യത്തിന്റെ സ്വതന്ത്ര്യദിനത്തില് പോലും യോഗങ്ങള് നടത്തിയിട്ടുണ്ടെന്നും ദത്തു ചൂണ്ടിക്കാട്ടി. ജഡ്ജിമാരെ സംബന്ധിച്ചടത്തോളം പൊതു അവധി ദിവസങ്ങളിലാണ് ഇത്തരം യോഗങ്ങള്ക്ക് സമയം ലഭിക്കാറുള്ളത്.
അതിനാല് തന്നെ അതിനാല് ഹര്ജിക്കാരിയുടെ വാദം അംഗീകരിക്കാന് കഴിയില്ലെന്നു കോടതി പറഞ്ഞു. അവധി ദിനത്തില് യോഗം നടത്തുന്നതിനെ എതിര്ക്കുന്നുണ്ടെങ്കില് ഹര്ജിക്കാരിക്ക് അപേക്ഷ സമര്പ്പിക്കാവുന്നതാണ്. കോടതി അപ്പോള് അക്കാര്യം പരിഗണിക്കാമെന്നും ഡിവിഷന്ബെഞ്ച് വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
