പശുക്കളെ രാഷ്ട്ര മാതാവായി പ്രഖ്യാപിക്കണമെന്ന് യോഗി ആദിത്യനാഥ്, ഗോക്കള് ഹിന്ദു മതത്തിന്റെ നട്ടെല്ലാണെന്നും യോഗി
ബീഫ് നിരോധിക്കണമെന്നാണ് ഇന്ത്യയിലുടനീളം ആളികത്തുന്ന ഇപ്പോഴത്തെ ചര്ച്ച. അതിനിടെയാണ് മറ്റൊരു പ്രസ്താവനയുമായി ബി.ജെ.പിയുടെ തീവ്ര ഹിന്ദുത്വവാദി എം.പി യോഗി ആദിത്യനാഥ് രംഗത്തെത്തിയിരിക്കുന്നത്. ഗോക്കളെ രാഷ്ട്ര മാതാവായി പ്രഖ്യാപിക്കണമെന്നാണ് അദ്ദേഹം ഉന്നയിച്ചിരിക്കുന്ന പ്രധാന പ്രസ്താവന. ഗോക്കളെ രാഷ്ടമാതാവായി അംഗീകരിക്കണമെന്ന ഓരോ ഇന്ത്യക്കാരന്റെയും വികാരമാണ് താന് പങ്കുവച്ചതെന്നും ആദിത്യനാഥ് പറയുന്നു. ഗോക്കള് ഹിന്ദു മതത്തിന്റെ നട്ടെല്ലാണ്.
ഭാരതത്തിന്റെ സനാതന സംസ്കാരത്തില് പശുക്കള്ക്ക് അഭിവന്ദ്യമായ സ്ഥാനമാണുള്ളത്. ഗോക്കള്ക്ക് ലോകത്ത് ആ സ്ഥാനം നേടിക്കൊടുക്കാനാവില്ലെങ്കില് ഇന്ത്യയിലെങ്കിലും അത് സാധ്യമാവണമെന്നും ഗോരഖ്പൂര് എം.പിയായ സന്യാസി പറഞ്ഞു.
വിവാദ \'ഘര് വാപസി\' മതപരിവര്ത്തന സംരംഭത്തിന്റെ പ്രയോക്താവായ ആദിത്യനാഥ് ഗോ സംരക്ഷണ വ്യാപന പ്രവര്ത്തനങ്ങള്ക്ക് പിന്തുണ സ്വരൂപിക്കുന്നതിന് \'മിസ്ഡ് കാള് സബ്സ്ക്രിപ്ഷന്\' പദ്ധതിക്ക് ഉത്തര്പ്രദേശിലെ അലിഗഡില് തുടക്കമിട്ടിരിക്കുകയാണ്. ദൈവത്തിന് തുല്യമായി തന്നെ പശുക്കളെയും കാണണമെന്നും ആദിത്യനാഥ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
