നേപ്പാള് ബീഹാര് അതിര്ത്തിയില് ഇന്ത്യക്കാരനായ കര്ഷകനെ നേപ്പാള് സായുധ പോലീസ് വെടിവെച്ചുകൊന്നു
ബിഹാറിലെ സീതാമാര്ഹി ജില്ലയില് നേപ്പാള് അതിര്ത്തിക്ക് സമീപം ഇന്ത്യക്കാരനായ കര്ഷകനെ നേപ്പാള് സായുധ പോലീസ് വെടിവെച്ചുകൊന്നു. യാതൊരു പ്രകോപനവുമില്ലാതെയാണ് വെടി വച്ചത് എന്നാണ് പുറത്തുവരുന്ന റിപ്പോര്ട്ടുകള്. വയലില് ജോലി ചെയ്തുകൊണ്ടിരിക്കെയാണ് കര്ഷകന് വെടിയേറ്റത്. 25കാരനായ നാഗേശ്വര് റായിയാണ് കൊല്ലപ്പെട്ടത്. ജനന്നഗര് സ്വദേശിയാണ് നാഗേശ്വര് റായ്. ഉമേഷ് താക്കൂര്, ഉദയ് താക്കൂര് എന്നിവരുടെ നില ഗുരുതരമാണ്.
സശസ്ത്ര സീമ ബല് (എസ്എസ്ബി) ബിഹാര് സെക്ടര് ഐജി, ഒരു ഇന്ത്യക്കാരന് കൊല്ലപ്പെട്ടതായി സ്ഥിരീകരിച്ചു. ഇന്ത്യന് പ്രദേശങ്ങളായ ഉത്തരാഖണ്ഡിലെ ലിപുലേഖ്, കാലാപാനി, ലിംപിയാധുര എന്നിവിടങ്ങള് ഉള്പ്പെടുത്തിക്കൊണ്ടുള്ള മാപ്പ് നേപ്പാള് പ്രസിദ്ധികരീക്കുകയും പാര്ലമെന്റില് ഇതുമായി ബന്ധപ്പെട്ട ഭരണഘടനാഭേദഗതി ബില് പാര്സമെന്റില് കൊണ്ടുവരുകയും ചെയ്തിരുന്നു. പുതിയ മാപ്പുമായി ബന്ധപ്പെട്ട ബില്ലില് ശനിയാഴ്ച വോട്ടെടുപ്പ് നടക്കാനിരിക്കുകയാണ്.
ഇന്ത്യക്കെതിരെ രൂക്ഷവിമര്ശനമാണ് നേപ്പാള് പ്രധാനമന്ത്രി കെ പി ഒലി നടത്തിയത്. നേപ്പാളില് കൊറോണ വൈറസ് പരത്തുന്നത് ഇന്ത്യയാണെന്ന് കെ പി ഒലി ആരോപിച്ചിരുന്നു. ഇരു രാജ്യങ്ങളും തമ്മിലുള്ള ബന്ധം വഷളായിരിക്കുന്നതിന് ഇടയിലാണ് ഇപ്പോള് വെടിവയ്പുണ്ടായിരിക്കുന്നത്. ലഡാക്കില് ചൈനീസ് സൈന്യം 60 ചതുരശ്ര കിലോമീറ്ററോളം ഇന്ത്യന് പ്രദേശം പിടിച്ചെടുത്തതായി റിപ്പോര്ട്ടുകള് വന്നിട്ടുണ്ട്. അതിര്ത്തിയില് ഇന്ത്യ, ചൈന സൈന്യങ്ങള് തമ്മില് സംഘര്ഷം തുടരുകയാണ്.
https://www.facebook.com/Malayalivartha
