സാമൂഹിക അകലം പാലിക്കാത്തതിനും, മാസ്‌ക് ധരിക്കാതിരുന്നതിനും വരനും സംഘത്തിനും പിഴ ചുമത്തി ആരോഗ്യ വകുപ്പ്. 2100 രൂപയാണ് പിഴയായി അടയ്‌ക്കേണ്ടി വന്നത്. മധ്യപ്രദേശിലെ ഇന്‍ഡോറിലാണ് സംഭവം നടന്നത്.

വരനും കൂടെയുണ്ടായിരുന്ന 12 പേരും മാസ്‌ക്കുകള്‍ ധരിക്കാതെ തുറന്ന വാഹനത്തില്‍ ഇരിക്കുന്നത് ശ്രദ്ധയില്‍പെട്ട ആരോഗ്യ വകുപ്പ് ഉദ്യോഗസ്ഥര്‍ ഉടന്‍ തന്നെ പിടികൂടി പിഴ ചുമത്തുകയായിരുന്നു. മധ്യപ്രദേശില്‍ ഏറ്റവും കൂടുതല്‍ കൊറോണ കേസുകള്‍ റിപ്പോര്‍ട്ട് ചെയ്ത നഗരമാണ് ഇന്‍ഡോര്‍.

കോവിഡ് മഹാമാരിയുടെ പശ്ചാത്തലത്തില്‍ ജനങ്ങള്‍ സാമൂഹിക അകലം പാലിക്കുന്നുണ്ടോ എന്ന് പരിശോധിക്കാനായി നഗരത്തിലാകമാനം എല്ലാദിവസവും ആരോഗ്യ വകുപ്പ് പരിശോധന നടത്താറുണ്ട്.കല്യാണത്തിന് പങ്കെടുക്കാന്‍ 12 പേരെ അനുവദിക്കുമെന്ന് അധികൃതര്‍ അറിയിച്ചിരുന്നു. 12 പേര്‍ സാമൂഹിക അകലം പോലും പാലിക്കാതെ വാഹനത്തില്‍ അടുത്തടുത്ത് ഇരിക്കുകയായിരുന്നു. ആരും മാസ്‌ക് ധരിച്ചിരുന്നില്ല. സംഭവ സ്ഥലത്ത് വെച്ച് തന്നെ വരന്റെ കയ്യില്‍ നിന്ന് 2100 രൂപ പിഴ ഈടാക്കി 1100 രൂപ സാമൂഹിക അകലം പാലിക്കാത്തതിനും 1000 രൂപ മാസ്‌ക് ധരിക്കാത്തതിനുമാണ്.