പ്രധാനമന്ത്രി നരേന്ദ്രമോഡി മന്ത്രിസഭ പുനസംഘടിപ്പിക്കാനൊരുങ്ങുന്നുവെന്ന് കേള്‍ക്കുമ്പോഴേ മന്ത്രിമാര്‍ക്ക് നെഞ്ചില്‍ തീയാണ്. എപ്പോഴാണ് സ്ഥാനം പോവുക എന്നറിയില്ല. സദാനന്ദഗൗഡ, നജ്മാഹെബുദുള്ളയടക്കമുള്ള നേതാക്കള്‍ക്കുളുടെ നില ഇപ്പോള്‍ തന്നെ പരുങ്ങലിലാണ്. നല്ല പ്രവര്‍ത്തനം കാഴ്ചവെയ്ക്കാത്തവരെ ഒഴിവാക്കുമെന്ന് തന്നെയാണ് പ്രധാനമന്ത്രി നരേന്ദ്രമോഡി നല്‍കുന്ന സൂചന. സഹമന്ത്രിമാരായ ചിലര്‍ നല്ല പ്രവര്‍ത്തനം കാഴ്ചവെച്ചിട്ടുണ്ട്. നിര്‍മലാ സീതാരാമന്‍ അടക്കുമള്ളവരുടെ പ്രവര്‍ത്തനം മികച്ചതാണ്. അവര്‍ക്ക് ചിലപ്പോള്‍ സ്ഥാനക്കയറ്റം ലഭിക്കാനും സാധ്യതയുണ്ട്.
ഫ്രാന്‍സ്, കാനഡ, ജര്‍മനി എന്നീ രാജ്യങ്ങളിലേക്ക് സന്ദര്‍ശനത്തിനു പോകുന്നതിനു മുമ്പ് പുനസംഘടന നടക്കുമെന്നാണ് പാര്‍ട്ടി വൃത്തങ്ങള്‍ നല്‍കുന്ന സൂചന. വ്യാഴാഴ്ചയാണ് മോദി വിദേശത്തേക്ക് യാത്രതിരിക്കുന്നത്.ജമ്മു കശ്മീര്‍ മന്ത്രിസഭയില്‍ കൂട്ടുകക്ഷിയായി പങ്കുചേര്‍ന്നതടക്കം മാറിയ രാഷ്ട്രീയ സാഹചര്യങ്ങളില്‍ സഖ്യകക്ഷികളെ തൃപ്തിപ്പെടുത്തുകയാണ് പുനസംഘടനയുടെ പ്രധാന ലക്ഷ്യം. ഭരണം മെച്ചപ്പെടുത്തുകയും പുനസംഘടനയുടെ ലക്ഷ്യമാണെന്ന് പാര്‍ട്ടിവൃത്തങ്ങള്‍ വ്യക്തമാക്കുന്നു.
നിയമസഭാ തിരഞ്ഞെടുപ്പ് നടക്കാനിരിക്കുന്ന ബിഹാറില്‍ നിന്നുള്ള ഒരംഗം മന്ത്രിസഭയിലെത്തിയേക്കും. ജമ്മു കശ്മീരില്‍ സഖ്യകക്ഷിയായ പി.ഡി.പിയെ തൃപ്തിപ്പെടുത്തുന്നതിന് ഒരു പി.ഡി.പി അംഗത്തേയും മന്ത്രിസഭയില്‍ ഉള്‍പ്പെടുത്തിയേക്കും. ജമ്മു കശ്മീരില്‍ സഖ്യകക്ഷി സര്‍ക്കാര്‍ രൂപവത്കരണത്തിന് ചുക്കാന്‍ പിടിച്ച രാംമാധവും മന്ത്രിസഭയിലെത്തുമെന്നാണ് മോദിയുമായി അടുത്ത വൃത്തങ്ങള്‍ വ്യക്തമാക്കുന്നത്. ഒപ്പം ചിലമന്ത്രിമാര്‍ക്ക് സ്ഥാനക്കയറ്റം നല്‍കും. ഇടഞ്ഞുനില്‍ക്കുന്ന ശിവസേനയില്‍ നിന്നും ഒരാള്‍ മന്ത്രിസഭയിലെത്തുമെന്നാണ് സൂചന.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha