ഇന്ത്യക്കെതിരെ ഒളിയുദ്ധവുമായി ചൈന; അതിര്ത്തിയില് യുദ്ധ സാധ്യത കൂടുമ്പോഴാണ് ചൈനയുടെ ഈ നീക്കം; പൊളിച്ചടുക്കാന് തന്ത്രങ്ങള് മെനഞ്ഞ് ഇന്ത്യയും
ഇന്ത്യയും ചൈനയും തമ്മിലുള്ള സംഘര്ഷം യുദ്ധത്തിലേക്ക് നീങ്ങവെ, ഇന്ത്യയെ സൈബര് ആക്രമണത്തിലൂടെ നേരിടുമെന്ന ഭീഷണിയുമായി ചൈന. ശത്രു രാജ്യങ്ങള്ക്കെതിരെ ചൈന പലപ്പോഴും സൈബര് ആക്രമണം നടത്തിയ ചരിത്രമാണ് ചൈനക്ക് ഉള്ളത് അതിനാല്തന്നെ കരുതലോടെയാണ് ഇന്ത്യ നീങ്ങുന്നത്. ഇന്ത്യയില് സൈബര് ആക്രമണത്തിനു സാധ്യതയുണ്ടെന്നും ചൈനയില് സമൂഹമാധ്യമങ്ങളില് ഇതുസംബന്ധിച്ച ചര്ച്ചകള് നടക്കുകയാണെന്നും സൈ ഫേര്മ എന്ന സ്ഥാപനം കംപ്യൂട്ടര് എമര്ജന്സി റെസ്പോണ്സ് ടീമിനെ കഴിഞ്ഞ ദിവസം അറിയിച്ചു. ഇതിന്റെ അടിസ്ഥാനത്തില് സുരക്ഷ വര്ദ്ധിപ്പിച്ചിട്ടുണ്ട്, മാത്രമല്ല ഇന്ത്യ ആക്രമണം ഉണ്ടാകാന് സാധ്യതയുള്ള ചില സ്ഥാപനങ്ങളുടെ പട്ടികയും ഇവര് നല്കി.
ഇന്ന് ആധുനിക യുദ്ധമുറകളുടെ ഭാഗമായി സൈബര് ആക്രമണങ്ങള് മാറിയിരിക്കുന്നു. രാജ്യത്തെ മിക്ക പ്രവര്ത്തന മേഖലകളെയും സ്തംഭിപ്പിക്കാന് സൈബര് ആക്രമണങ്ങള്ക്കു കഴിയും എന്നുള്ളത് വസ്തുതയാണ്. ആണവ കേന്ദ്രങ്ങള്, വൈദ്യുതി വിതരണം, വ്യോമയാനം, ഓഫിസുകള്, പ്രതിരോധ സേനകള്, ആരോഗ്യ മേഖല, ബാങ്കിങ്, ശാസ്ത്ര ഗവേഷണം തുടങ്ങി ഏതുരംഗത്തും ആക്രമണം ഉണ്ടാകാം.
കഴിഞ്ഞ മാസം ഓസ്ട്രേലിയയില് സര്ക്കാര് ഓഫിസുകളില് സൈബര് ആക്രമണം ഉണ്ടായതായി പ്രധാനമന്ത്രി സ്കോട് മോറിസണ് കഴിഞ്ഞ ദിവസം വെളിപ്പെടുത്തിയിരുന്നു. ചൈനയുടെ പേരു പറയാതെ അവരാണ് ഇതിനു പിന്നില് എന്ന വ്യക്തമായ സൂചനയാണ് അദ്ദേഹം നല്കിയത്. ചൈനയില് കോവിഡിന്റെ ഉദ്ഭവം കണ്ടെത്താന് ഓസ്ട്രേലിയ സ്വന്തം നിലയില് ഗവേഷണം ആരംഭിച്ചതാണു ശത്രുതയ്ക്കു കാരണമെന്നാണു നിഗമനം.
2016ല് വിയറ്റ്നാമിനും ഫിലിപ്പീന്സിനും എതിരെ ചൈന സൈബര് ആക്രമണം നടത്തിയിരുന്നു. വിയറ്റ്നാമിലെ സോയി സായി, ഹോചിമിന് സിറ്റി എന്നീ വിമാനത്താവളങ്ങളുടെ പ്രവര്ത്തനം സൈബര് ആക്രമണത്തില് പൂര്ണമായി സ്തംഭിച്ചു. ചൈന കഴിഞ്ഞ മാസം തയ്വാനെതിരെയും സൈബര് ആക്രമണം നടത്തിയിരുന്നു. തയ്വാനില് പ്രസിഡന്റിന്റെ ഓഫിസ് പൂര്ണമായി ഹാക്ക് ചെയ്തു. സര്ക്കാരിന്റെ ചില രഹസ്യരേഖകള് മാധ്യമങ്ങള്ക്ക് എത്തിക്കാനായിരുന്നു ഇത്. കഴിഞ്ഞ മാസം യുഎസില് കോവിഡ് വാക്സിന് ഗവേഷണ കേന്ദ്രത്തിലെ എല്ലാ രേഖകളും ചോര്ത്താന് ശ്രമിച്ചു.
മാത്രമല്ല ജപ്പാന് പുതിയ മിസൈല് രൂപകല്പന ചെയ്യുന്നതിന്റെ വിവരങ്ങള് അടുത്തകാലത്ത് സൈബര് ആക്രമണത്തിലൂടെ ചൈന കവര്ന്നിരുന്നു. ഇതിനിടെ ചൈന കോവിഡ് 19 വിവരങ്ങള് രഹസ്യമാക്കി വച്ചത് കണ്ടുപിടിക്കാന് വിയറ്റ്നാമും സൈബര് ആക്രമണം നടത്തി; അതു പക്ഷേ ചൈനയ്ക്ക് തടയാന് കഴിഞ്ഞു.
"
https://www.facebook.com/Malayalivartha
