ചൈനക്കിട്ടുള്ള പണി ജിമ്മിലൂടെയും (GeM), വില്പനയ്ക്ക് വയ്ക്കുന്ന എല്ലാ ഉത്പന്നങ്ങളിലും, ഉത്പാദകരാഷ്ട്രം സംബന്ധിച്ച വിവരങ്ങള് നിര്ബന്ധമാക്കി; ലക്ഷ്യം മേക്ക് ഇന് ഇന്ത്യയുടെ പ്രോത്സാഹനം
ചൈനീസ് ഉല്പ്പന്നങ്ങളുടെ ഇന്ത്യയിലെ വില്പന നിയന്ത്രിക്കാന് കേന്ദ്ര സര്ക്കാറിന്റെ പുതിയ നീക്കം. വാണിജ്യവ്യവസായ മന്ത്രാലയത്തിന് കീഴിലുള്ള പ്രത്യേക വില്പന സംവിധാനമായ ജിമ്മില് (GeM) പുതിയതായി രജിസ്റ്റര് ചെയ്യുന്ന എല്ലാ ഉത്പന്നങ്ങളുടെയും, ഉത്പാദക രാഷ്ട്രമേതെന്ന് കച്ചവടക്കാര് വ്യക്തമാക്കണമെന്ന് നിര്ദേശം. ഡി.ജി.എസ് ആന്റ് ഡി കീഴില് പ്രവര്ത്തിക്കുന്ന സര്ക്കാര് ഇ മാര്ക്കറ്റിംഗ്് ഫല്റ്റ്ഫോമാണ് ജിം. ഇതിലൂടെ ഉപഭോക്താക്കള്ക്ക് ചരക്കുകളും സേവനങ്ങളും വാങ്ങാന് സാധിക്കും. വിവിധ സംസ്ഥാന സര്ക്കാരുകള്ക്കും ഉദ്യോഗസ്ഥര്ക്കും മികച്ച കമ്പനികളെ കണ്ടെത്തുന്നതിന് സഹായകമാകുന്ന വിധത്തിലാണ് പോര്ട്ടിന് കേന്ദ്ര സര്ക്കാര് രൂപം നല്കിയത്.
ഈ സംവിധാനം ഏര്പ്പെടുത്തുന്നതിന് മുന്പ് ഉത്പന്നങ്ങള് രജിസ്റ്റര് ചെയ്തിട്ടുള്ളവര്ക്ക്, തങ്ങളുടെ ഉത്പന്നങ്ങള് സംബന്ധിച്ച വിവരങ്ങള് പുതുക്കി നല്കുന്നതിനായി തുടര്ച്ചയായി നിര്ദേശം നല്കുന്നു. പുതിയ വിവരങ്ങള് നല്കാന് ശ്രദ്ധിച്ചില്ലെങ്കില്, ഉത്പന്നങ്ങള് ജിമ്മില് നിന്നും നീക്കം ചെയ്യുമെന്ന മുന്നറിയിപ്പും ഇതോടൊപ്പം കേന്ദ്ര സര്ക്കാര് നല്കുന്നുണ്ട്. 'മെയ്ക്ക് ഇന് ഇന്ത്യ', 'ആത്മനിര്ഭര് ഭാരത്' മുന്നേറ്റങ്ങളെ പ്രോത്സാഹിപ്പിക്കുന്നത് ലക്ഷ്യമിട്ടാണ് ഈ സുപ്രധാന നീക്കമെന്നാണ് സര്ക്കാര് വൃത്തങ്ങള് പറയുന്നത്. എന്നാല് ഇതിന് പിന്നില് രാജ്യത്ത് ചൈനീസ് ഉത്പന്നങ്ങളുടെ വിപണനം നിയന്ത്രിക്കുകയെന്ന ലക്ഷ്യവും സര്ക്കാരിനുണ്ട്.
ഉത്പന്നങ്ങളില് എത്ര ശതമാനം തദ്ദേശീയ വസ്തുക്കള് ഉണ്ടെന്നറിയാനുള്ള പ്രത്യേക സംവിധാനവും ജിമ്മില് ഏര്പ്പെടുത്തിയിട്ടുണ്ട്. ഈ പുതിയ സൗകര്യത്തോടെ, വിപണിയിലെ എല്ലാ ഉത്പന്നങ്ങളും എവിടെ ഉത്പാദിപ്പിച്ചു, അതില് എത്ര ശതമാനം പ്രാദേശിക വസ്തുക്കള് ഉപയോഗിച്ചു എന്ന വിവരങ്ങള് ലഭ്യമാകും. കൂടാതെ,'മെയ്ക്ക് ഇന് ഇന്ത്യ' ഫില്റ്റര് സൗകര്യവും പോര്ട്ടലില് ഏര്പ്പെടുത്തിയിട്ടുണ്ട്. കുറഞ്ഞത് 50 ശതമാനം എങ്കിലും പ്രാദേശിക വസ്തുക്കള് കൊണ്ട് നിര്മിച്ച ഉത്പന്നങ്ങള് തിരഞ്ഞെടുക്കാന് ഉപഭോക്താക്കള്ക്ക് ഇതിലൂടെ സാധിക്കും.
തദ്ദേശിയമായ ഉത്പന്നങ്ങള്ക്ക് കൂടുതല് പ്രധാന്യം നല്കണമെന്നും പരമാവധി വിദേശ സാധാനങ്ങള് ഒഴിവാക്കമെന്നും പ്രധാനമന്ത്രി നരേന്ദ്രമോദി രാജ്യത്തോട് ആവശ്യപ്പെട്ടിരുന്നു. അതിര്ത്തിയില് ചൈന പ്രകോപനം ശക്തമാക്കിയതോടെയാണ് ഇത്തരം നിലപാടുകള് സര്ക്കാര് ശക്തമാക്കുന്നത്. ഇതിലൂടെ ലക്ഷ്യമിടുന്നത് ചൈനീസ് ഉത്പന്നങ്ങളെ തന്നെയാണെന്ന കാര്യത്തില് സംശയമില്ല. അതിര്ത്തിയില് നിലപാടുകള് കര്ശനമാക്കുന്നതിനൊപ്പം വ്യാപാര മേഖലയിലും നടപടികള് സ്വീകരിക്കുന്നതിലൂടെ ചൈനക്ക് ശക്തമായ മറുപടികൊടുക്കാനാണ് കേന്ദ്രത്തിന്റെ നീക്കം. ഇതിന്റെ ഭാഗമായി മഹരാഷ്ട്ര ഉള്പ്പെടെയുള്ള സംസ്ഥാനങ്ങള് ചൈനീസ് കമ്പനികള്ക്ക് നല്കിയ കോടിക്കണക്കിന് രൂപയുടെ കരാറുകള് പോലും റദ്ദാക്കിയിരുന്നു.
https://www.facebook.com/Malayalivartha
