വയറുവേദനയെത്തുടര്ന്നു ചികിത്സ തേടി ; വിവാഹിതയായ 'യുവതി' പുരുഷനായി... ഞെട്ടിത്തരിച്ച് ദമ്പതികള്
30 വര്ഷം ഒരു സ്ത്രീ ആയാണ് ഈ കൊല്ക്കത്ത സ്വദേശി ജീവിച്ചത്. ഒന്പത് വര്ഷങ്ങള്ക്കു മുന്പ് വിവാഹിതയായി. തന്റെ സ്വത്വത്തെപ്പറ്റി യാതൊരു വിധ സംശയങ്ങളും ഉണ്ടായിരുന്നുമില്ല. പക്ഷേ പെട്ടന്നൊരു ദിവസം സംഭവങ്ങള് മാറിമറിഞ്ഞു. വയറുവേദനയെ തുടര്ന്ന നടത്തിയ പരിശോധനയില് ഇവര് ഒരു പുരുഷന് ആണെന്ന് കണ്ടെത്തി. പരിശോധനയില് ടെസ്റ്റിക്യുലാര് ക്യാന്സര് ആണെന്നും തെളിഞ്ഞു. 28 വയസുള്ള സഹോദരിയിലും ഇതേ ജനിതക വ്യത്യാസം കണ്ടെത്തി.
കടുത്ത വയറുവേദനയെ തുടര്ന്ന് ആശുപത്രിയില് എത്തിയതായിരുന്നു 30 വയസുകാരി. ഇവരെ പരിശോധിച്ചപ്പോഴാണ് ആ സത്യം ഡോക്ടര്മാരും 'യുവതിയും' മനസിലാക്കിയത്. പരിശോധനയില് ഇവര് പുരുഷനാണെന്ന് കണ്ടെത്തി. ഡോക്ടര്മാര് പറഞ്ഞപ്പോള് മാത്രമാണ് 'യുവതിക്ക്' തന്റെ യഥാര്ത്ഥ സ്വത്വം മനസിലായത്. 22,000 പേരില് ഒരാള്ക്ക് മാത്രം സംഭവിക്കുന്ന അവസ്ഥയാണിതെന്ന് ഡോക്ടര്മാര് പറഞ്ഞു. സംഭവം ഇങ്ങനെ
ബിര്ബും സ്വദേശിയായ വിവാഹിതയായ യുവതിയാണ് കഴിഞ്ഞ കുറച്ച് മാസങ്ങളായി കടുത്ത വയറുവേദന അനുഭവപ്പെട്ടതിനെ തുടര്ന്ന് ആശുപത്രിയില് എത്തിയത്. സിറ്റയിലെ നേതാജി സുഭാഷ് ചന്ദ്ര ഭോസ് കാന്സര് ഹോസ്പിറ്റലിലായിരുന്നു ഇവര് ചികിത്സ തേടിയത്. തുടര്ന്ന് ക്ലിനിക്കല് ഓങ്കോളജിസ്റ്റായ ഡോ. അനുപം ദത്തയും സര്ജിക്കല് ഓങ്കോളജിസ്റ്റായ ഡോ. സൗമെന് ദാസും ചേര്ന്നാണ് പരിശോധനകള് നടത്തിയത്.
പരിശോധനയില് യുവതി യഥാര്ത്ഥത്തില് 'യുവാവ്' ആണെന്ന് കണ്ടെത്തുകയായിരുന്നു. കാഴ്ചയില് അവര് സ്ത്രീയാണ്. സ്ത്രീയുടെ ശബ്ദം, സ്തനങ്ങള്, ബാഹ്യലൈംഗിക അവയവം എല്ലാം ഉണ്ട്. എന്നാല് ജന്മനാ ഗര്ഭപാത്രമോ അണ്ഡാശയമോ ഇല്ല. യുവതിക്ക് ഇതുവരെ ആര്ത്തവവും ഉണ്ടായിട്ടില്ല, ഡോ ദത്ത പറഞ്ഞു.
ഇത് വളരെ അപൂര്വമായ ഒരു അവസ്ഥയാണ്, 22,000 ത്തില് ഒരാള്ക്ക് മാത്രമേ ഇത് സംഭവിക്കുള്ളൂ. യുവതിയില് ബ്ലൈന്ഡ് വജൈന എന്ന അവസ്ഥ കണ്ടെത്തിയതോടെ ഡോക്ടര്മാര് കാരിയോടൈപ്പിങ്ങ് ടെസ്റ്റ് നടത്തി. അപ്പോള് അവരുടെ ക്രോമസോമുകള് എക്സ്,വൈ ആണെന്ന് വ്യക്തമായി. സ്ത്രീകളുടെ ക്രോമസോം എക്സ്, എക്സ് ആണ്.
വയറുവേദനയുണ്ടെന്ന് പരാതിപ്പെട്ടതിന്റെ അടിസ്ഥാനത്തില് ക്ലിനിക്കല് പരിശോധന നടത്തിയപ്പോള് അവര്ക്ക് ശരീരത്തിനുള്ളില് വൃഷണങ്ങള് ഉണ്ടെന്ന് കണ്ടെത്തി. പിന്നീട് ബയോപ്സി നടത്തിയപ്പോള് അവര്ക്ക് ടെസ്റ്റികുലാര് ക്യാന്സര് ആണെന്ന് സ്ഥിരീകരിച്ചു, ദത്ത പറഞ്ഞു. ഇപ്പോള് അവര് കീമോ തെറാപ്പിക്ക് വിധേയമാക്കിക്കൊണ്ടിരിക്കുകയാണ്.
പുരുഷലൈംഗികാവയവം ശരീരത്തിനുള്ളില് വികസിച്ചിട്ടില്ലാത്തതിനാല് ടെസ്റ്റോസ്റ്റിറോണ് ഉത്പാദിപ്പിക്കപ്പെട്ടിരുന്നില്ല. അതേസമയം സ്ത്രീ ഹോര്മോണുകള് ശരീരത്തില് ഉണ്ടായിരുന്നതിനാല് അവര്ക്ക് സ്ത്രീകളുടെ സവിശേഷതകള് ലഭിച്ചു, ഡോക്ടര്മാര് പറഞ്ഞു.
നിലവില് അവര് കൗണ്സിലിംഗിന് വിധേയമായിക്കൊണ്ടിരിക്കുകയാണെന്നും ഡോക്ടര്മാര് പറഞ്ഞു. ഇത്രയും കാലം സ്ത്രീയായിട്ടാണ് അവര് ജീവിച്ചത്. വിവാഹം കഴിഞ്ഞ് 10 വര്ഷമായി. കുഞ്ഞുങ്ങള്ക്കായി ശ്രമിക്കുകയും ചെയ്തിട്ടുണ്ട്. ഇപ്പോള് സത്യാവസ്ഥ മനസിലാക്കിയതിന്റെ ഞെട്ടലിലാണ് അവര്. ഭര്ത്താവിനും 'യുവതിക്കും' കൗണ്സിലിംഗ് നല്കുകയാണെന്നും ഡോക്ടര്മാര് പറഞ്ഞു.അതേസമയം യുവതിയുടെ സ്വത്വം വെളിപ്പെട്ടതിന്റെ അടിസ്ഥാനത്തില് അവരുടെ 28 വയസുള്ള സഹോദരിയേയും പരിശോധനയ്ക്ക് വിധേയമാക്കി. ഇവര്ക്കും ആന്ഡ്രൊജന് ഇന്സെന്സിറ്റിവിറ്റി സിന്ഡ്രൊം ആണെന്ന് കണ്ടെത്തി. ജനിച്ചത് പുരുഷനായാണെങ്കിലും ശാരീരിക പ്രത്യേകതകള് സ്ത്രീകളുടേതിനു സമാനമായിരിക്കുന്ന അവസ്ഥയാണിത്.അതേസമയം വരുടെ അമ്മയുടെ കുടുംബത്തിലെ രണ്ട് സ്ത്രീകള്ക്കും ഇത്തരത്തിലുള്ള അവസ്ഥ കണ്ടെത്തിയിട്ടുണ്ട്. ഇത് ജനിതക പ്രശ്നമാണെന്നാണ് ഡോക്ടര്മാര് വിശദീകരിക്കുന്നത്.
"
https://www.facebook.com/Malayalivartha
