കര്‍ണാടകത്തില്‍ ജൂലൈ അഞ്ച് മുതല്‍ എല്ലാ ഞായറാഴ്ചയും സമ്ബൂര്‍ണ ലോക്ക് ഡൗണ്‍ പ്രഖ്യാപിച്ചു. വരുന്ന തിങ്കളാഴ്ച മുതല്‍ രാത്രി എട്ടുമുതല്‍ രാവിലെ അഞ്ചുവരെ കര്‍ഫ്യു പ്രഖ്യാപിച്ചിട്ടുണ്ട്. ജൂലൈ 10 മുതല്‍ എല്ലാ ശനി, ഞായര്‍ ദിവസങ്ങളില്‍ സംസ്ഥാനത്ത് സര്‍ക്കാര്‍ ഓഫീസുകള്‍ക്ക് അവധിയായിരിക്കും. കോവിഡ് 19 വ്യാപിക്കുന്ന പശ്ചാത്തലത്തിലാണ് നടപടി

സംസ്ഥാനത്ത് ഇന്ന് 918 കേസുകളാണ് റിപ്പോര്‍ട്ട് ചെയ്തിരിക്കുന്നത്. ഇതോടെ ആകെ കേസുകളുടെ എണ്ണം 4441 ആയി ഉയര്‍ന്നിരിക്കുകയാണ്. ഇന്ന് 11 മരണങ്ങള്‍ കൂടി റിപ്പോര്‍ട്ട് ചെയ്തതോടെ ആകെ മരണസംഖ്യ 191 ആയി.

40 ദിവസത്തിനുള്ളില്‍ രാജ്യത്ത് കോവിഡ് രോഗികളുടെ എണ്ണം അഞ്ച് ലക്ഷത്തിലേക്ക് എത്തിയിരിക്കുകയാണ്. കഴിഞ്ഞ ആറു ദിവസത്തില്‍ മാത്രം ഒരു ലക്ഷം പേരാണ് രോ​ഗബാധിതരായത്.