ഉത്തര്‍പ്രദേശ് ഗവര്‍ണര്‍ക്ക് മധ്യപ്രദേശിന്റെ അധിക ചുമതല. ആനന്ദിബെന്‍ പട്ടേല്‍ മധ്യപ്രദേശിന്റെ താത്ക്കാലിക ഗവര്‍ണറായി ചുമതലയേറ്റു. മധ്യപ്രദേശ് ഗവര്‍ണര്‍ ലാല്‍ ജി ടണ്ടന്‍ അവധിയില്‍ പ്രവേശിച്ച സാഹചര്യത്തിലാണ് നടപടി. ശ്വാസതടസത്തെ തുടര്‍ന്ന് ജൂണ്‍ 11നാണ് ലാല്‍ ജി ടണ്ടനെ ആശുപത്രിയില്‍ പ്രവേശിപ്പിക്കുന്നത്.

കടുത്ത പനിയും അദ്ദേഹത്തിനുണ്ടായിരുന്നു. തുടര്‍ന്ന് കോവിഡ് ടെസ്റ്റ് നടത്തിയെങ്കിലും പരിശോധനാ ഫലം നെഗറ്റീവായിരുന്നു. അദ്ദേഹത്തിന്റെ ആരോഗ്യ നിലയില്‍ പുരോഗതിയുണ്ടെന്ന് ആശുപത്രി അധികൃതര്‍ പറഞ്ഞു. എങ്കിലും ലാല്‍ ജി ടണ്ടന്‍ നിലവില്‍ വെന്റിലേറ്ററില്‍ തന്നെയാണ് തുടരുന്നത്.