ഉത്തർപ്രദേശിലെ കന്നൗജിലെ സർക്കാർ ആശുപത്രി വളപ്പിൽ ഒരു വയസ്സുള്ള കുഞ്ഞി​​െൻറ മൃതദേഹം കെട്ടിപ്പിടിച്ച്​ നിലത്തുകിടന്ന്​ അലമുറയിടുന്ന പിതാവും പൊട്ടിക്കരയുന്ന മാതാവും. ആരുടേയും കണ്ണ് നിറക്കും കാഴ്ച.

കടുത്ത പനിയുമായി ആശുപത്രിയിലെത്തിയ പിഞ്ചുകുഞ്ഞിന്​ ഡോക്​ടർമാർ ചികിത്സ നിഷേധിച്ചതിനെ തുടർന്ന് മരണം സംഭവിച്ചതായാണ് മാതാ പിതാക്കൾ ആരോപിക്കുന്നത്. കുട്ടിയുടെ അവസ്ഥ ഗുരുതരമായിരുന്നിട്ടും 90 കിലോമീറ്റർ അകലെയുള്ള മറ്റൊരു ആശുപ​ത്രിയിലേക്ക്​ കൊണ്ടുപോകാൻ ഡോക്​ടർമാർ നിർദേശിക്കുകയായിരുന്നു എന്നാണ് മാതാപിതാക്കൾ പറയുന്നത്. എന്നാൽ ഈ ആരോപണങ്ങൾ ആശുപത്രി-ജില്ലാ അധികൃതർ നിഷേധിച്ചു.

ആശുപത്രിയില്‍ എത്തിച്ച ഉടന്‍തന്നെ കുട്ടിയെ അത്യാഹിത വിഭാഗത്തില്‍ പ്രവേശിപ്പിച്ചെന്നും ശിശുരോഗ വിദഗ്​ധൻ പരിശോധിച്ചെന്നും ആശുപത്രി അധികൃതര്‍ പറയുന്നു. ഗുരുതരനിലയിലായിരുന്ന കുട്ടി അരമണിക്കൂറിനുള്ളില്‍ മരിക്കുകയായിരുന്നു. ചികിത്സ നിഷേധിക്കപ്പെട്ടതായി കരുതുന്നില്ലെന്നാണ്​ കന്നൗജ്​ ജില്ലാ മജിസ്​ട്രേറ്റ്​ രാകേഷ്​ കുമാർ മിശ്ര പറഞ്ഞു.

ലഖ്​നോയിൽ നിന്ന് 123 കിലോമീറ്റർ അക​െലയുള്ള കന്നൗജിൽ നിന്ന്​ ഞായറാഴ്​ച വൈകീട്ട്​ പകർത്തിയതാണ്​ ഹൃദയഭേദകമായ ഈ വിഡിയോ. ആശുപത്രിയില്‍നിന്ന് ചിലര്‍ പകര്‍ത്തിയ വിഡിയോ ദൃശ്യങ്ങൾ എൻ.ഡി.ടി.വിയാണ്​ പുറത്തുവിട്ടത്. പ്രേംചന്ദ്​, ഭാര്യ ആശ ദേവി എന്നിവർ കടുത്ത പനിയും തൊണ്ടയിൽ മുഴയുമായാണ്​ ഒരു വയസുള്ള മകൻ അനുജുമായി ആശുപത്രിയിലെത്തിയത്​.

45 മിനിറ്റിലേറെ ആശുപത്രിയില്‍ കാത്തുനിന്നിട്ടും ഗുരുതരാവസ്ഥയിലായ കുട്ടിയെ പരിശോധിക്കാനോ തൊട്ടുനോക്കാൻ പോലുമോ ഡോക്ടര്‍മാര്‍ തയ്യാറായില്ലെന്ന്​ മാതാപിതാക്കൾ ആ​േരാപിക്കുന്നു. കുഞ്ഞിനെ കാൺപുരിലെ ആശുപത്രിയില്‍ എത്തിക്കാന്‍ ത​​െൻറ കൈയ്യില്‍ പണമില്ലെന്ന്​ പറഞ്ഞതായും ​പ്രേംചന്ദ് വ്യക്​തമാക്കി. ആശുപത്രിയില്‍ ഉണ്ടായിരുന്ന ചിലര്‍ ഇവരുടെ ദൃശ്യങ്ങള്‍ മൊബൈല്‍ ഫോണില്‍ പകര്‍ത്തി. ഇതിനെ തുടര്‍ന്നാണ് ഡോക്ടര്‍മാര്‍ കുട്ടിയെ പരിശോധിക്കാന്‍ തയ്യാറായതെന്നും അപ്പോഴേയ്ക്കും കുഞ്ഞ് മരിച്ചതായും പ്രേംചന്ദ് പറഞ്ഞു.