അവര് വെന്റിലേറ്റര് മാറ്റി.... എത്ര കേണപേക്ഷിച്ചിട്ടും അവര് വെന്റിലേറ്ററിലേക്ക് എന്നെ മാറ്റുന്നില്ല; കൊവിഡ് രോഗിയുടെ അവസാന സന്ദേശം
കൊവിഡ് രോഗിയായ 26കാരന്റെ ആശുപത്രിക്കിടക്കയില് നിന്നുള്ള അവസാന സന്ദേശം ഏവരെയും ഒരുനിമിഷം നിശ്ശബ്ദരാക്കുന്നതാണ്. അത്രത്തോളം ഭയവും ആശങ്കയും ആ വാക്കുകളിൽ നിറയുന്നു. ഹൈദരാബാദിലാണ് സംഭവം.
"എനിക്ക് ശ്വാസം കിട്ടുന്നില്ല..അവര് വെന്റിലേറ്റര് മാറ്റി. എത്ര കേണപേക്ഷിച്ചിട്ടും അവര് വെന്റിലേറ്ററിലേക്ക് എന്നെ മാറ്റുന്നില്ല. എന്റെ ഹൃദയം നിലച്ചു. എന്റെ ശ്വാസകോശം മാത്രമേ പ്രവര്ത്തിക്കുന്നുള്ളു. പക്ഷെ എനിക്ക് ശ്വസിക്കാന് കഴിയുന്നില്ല ഡാഡി. ബൈ ഡാഡി. എല്ലാവരോടും വിട". .
വീഡിയോ അയച്ച് മിനിറ്റുകള്ക്കുള്ളില് മകന് മരണത്തിന് കീഴടങ്ങിയതായി ജവഹര്നഗര് സ്വദേശിയായ പിതാവ് പറഞ്ഞു. ജൂണ് 24 മുതലാണ് മകന് കടുത്ത പനി ആരംഭിച്ചത്. നിരവധി ആശുപത്രികളില് പ്രവേശിപ്പിക്കാന് ശ്രമിച്ചെങ്കിലും എല്ലാരും കൈമലര്ത്തി ഒടുവില് ചെസ്റ്റ് ആശുപത്രിയില് പ്രവേശിപ്പിക്കുകയായിരുന്നുവെന്നും പിതാവ് പറയുന്നു. അതേസമയം, വെന്റിലേറ്റര് നീക്കം ചെയ്തെന്ന ആരോപണം ചെസ്റ്റ് ആശുപത്രി സൂപ്രണ്ട് മഹബൂബ് ഖാന് നിഷേധിച്ചു. കൊവിഡ് കാലത്തെ മറ്റൊരു നൊമ്പരമായി മാറുകയാണ് ഈ ചെറുപ്പക്കാരൻ.
https://www.facebook.com/Malayalivartha
