ചൈനയുമായുള്ള അതിര്ത്തി തര്ക്കം രൂക്ഷമാകുന്ന സാഹചര്യത്തില്, പാക്കിസ്ഥാനെ വിറപ്പിച്ചു ബാലാകോട്ടിനെ തകര്ത്ത 'സ്പൈസ് ബോംബുകളുടെ' ശേഖരം വര്ധിപ്പിക്കാനൊരുങ്ങി ഇന്ത്യ... ഇന്ത്യന് കരുത്ത് അതിര്ത്തിയിലേക്ക് .. ഇനി?
ചൈനയുമായുള്ള അതിര്ത്തി തര്ക്കം രൂക്ഷമാകുന്ന സാഹചര്യത്തില്, പാക്കിസ്ഥാനെ വിറപ്പിച്ചു ബാലാകോട്ടിനെ തകര്ത്ത 'സ്പൈസ് ബോംബുകളുടെ' ശേഖരം വര്ധിപ്പിക്കാന് ഇന്ത്യ. ബാലാകോട്ടില് ജയ്ഷെ ഭീകരരുടെ ക്യാംപ് തകര്ക്കാന് ഇന്ത്യന് സൈന്യം ഉപയോഗിച്ചത് ഇസ്രയേല് നിര്മിതമായ സ്പൈസ് ബോംബുകളാണ്.
സ്പൈസ് 2000 ബോംബുകള്ക്കു വളരെ ദൂരെ നിന്നു തന്നെ ലക്ഷ്യത്തിലെത്തിച്ചേരാനാകും. ശത്രുകേന്ദ്രത്തിലെ ബങ്കറുകളും കെട്ടിടങ്ങളും തകര്ക്കാനും സഹായിക്കുമെന്നു സര്ക്കാര് വൃത്തങ്ങള് ദേശീയ മാധ്യമത്തോട് പറഞ്ഞു. കഴിഞ്ഞ വര്ഷം ഇസ്രയേലില് നിന്ന് എത്തിച്ചതിനു പുറമേയാണ് വീണ്ടും വാങ്ങാനൊരുങ്ങുന്നത്. 2019ലെ ബാലാക്കോട്ട് ആക്രമണത്തില് ഇന്ത്യയുടെ തുറുപ്പുചീട്ടായിരുന്നു സ്പൈസ് ബോംബുകള്.
300 കോടി രൂപ ചെലവിട്ട് ഇസ്രയേലില്നിന്നു നൂറിലധികം സ്പൈസ് ബോംബുകള് വാങ്ങാന് വ്യോമസേന കരാര് ഒപ്പിട്ടിരുന്നു. ബാലാകോട്ടില് ജെയ്ഷെ മുഹമ്മദിന്റെ ഭീകരക്യാംപുകളില് കനത്ത നാശം വിതയ്ക്കാന് ഉപയോഗിച്ച ആയുധങ്ങളില് മുഖ്യമായിരുന്നു സ്പൈസ് ബോംബുകള്. മിറാഷ് 2000 പോര്വിമാനങ്ങള് ഉപയോഗിച്ചാണ് ഈ ലേസര് ഗൈഡഡ് ബോംബുകള് വര്ഷിച്ചത്. ലോകത്തിലെ ഏറ്റവും മാരക പ്രഹരശേഷിയുള്ള ബോംബുകളിലൊന്നാണിത്.
സ്മാര്ട്ട്, പ്രിസൈസ് ഇംപാക്ട്, കോസ്റ്റ് ഇഫക്ടീവ് എന്നതിന്റെ ചുരുക്കമാണ് സ്പൈസ്. കൃത്യതയാണ് ഈ ബോംബുകളുടെ പ്രത്യേകത. മിറാഷ്-2000 യുദ്ധവിമാനങ്ങളില്നിന്നാണ് സ്പൈസ്-2000 മുമ്പ് തൊടുത്തിട്ടുള്ളത്.
ഇസ്രായേലി ആയുധ വ്യാപാര സ്ഥാപനമായ റഫാല് അഡ്വാന്സ്ഡ് ഡിഫന്സ് സിസ്റ്റംസിന്റേതാണ് സ്പൈസ് എന്ന ചുരുക്കപ്പേരില് അറിയപ്പെടുന്ന ഈ മാരകമായ പ്രഹരശേഷിയും അപാര കൃത്യതയുമുള്ള ബോംബ്. സ്മാര്ട്ട്, പ്രിസൈസ് ഇമ്പാക്റ്റ്, കോസ്റ്റ് എഫക്ടീവ് ( 'ടജകഇഋ' ടാമൃ,േ ജൃലരശലെ കാുമര,േ ഇീേെഋളളലരശേ്ല). പേരില് തന്നെ അതിന്റെ മൂന്നു സവിശേഷതകളെപ്പറ്റിയും പരാമര്ശമുണ്ട് അത് 'സ്മാര്ട്ട്' ആണ്. അതായത് ഫൈറ്റര് വിമാനത്തിന്റെ കോക്ക്പിറ്റിലെ കമ്പ്യൂട്ടര് കണ്സോളില് നിന്നും അതിലേക്ക് ഒരു സ്മാര്ട്ട് ലിങ്ക് സാധ്യമാണ്.
പറന്നുപൊങ്ങും മുമ്പ് എയര് ബേസില് വെച്ച് തന്നെ അക്രമിക്കാനുദ്ദേശിക്കുന്ന നൂറോളം ഇടങ്ങളുടെ ഉപഗ്രഹ ചിത്രങ്ങള് ഇതിലേക്കു ലോഡ് ചെയ്യാന് പറ്റും. രണ്ട്, വളരെ കൃത്യമായി(ുൃലരശലെ) ലക്ഷ്യം ഭേദിക്കാന് ഇതിന് കഴിയും. മൂന്ന്, ഇതേ സാങ്കേതികവിദ്യ ഉപയോഗിച്ച് പ്രവര്ത്തിക്കുന്ന അമേരിക്കന്, ഫ്രഞ്ച് ബോംബുകളെക്കാള് വില കുറവാണെന്ന്(രീേെലളളലരശേ്ല) നിര്മാതാക്കളായ റഫാല് അവകാശപ്പെടുന്നു.
അതിനുള്ളില് ലോഡ് ചെയ്തിരിക്കുന്ന അത്യാധുനികമായ 'സീന് മാച്ചിങ് അല്ഗോരിതം'(ഉടങഅഇ), ബോംബില് ലോഡ് ചെയ്തിരിക്കുന്ന ശത്രുസങ്കേതങ്ങളുടെ ഉപഗ്രഹ ചിത്രങ്ങള് ബോംബ് വഴി തത്സമയം ശേഖരിക്കുന്ന ചിത്രങ്ങളുമായി താരതമ്യപ്പെടുത്തി കൃത്യമായി മാച്ച് ചെയ്യുന്ന പക്ഷം ബോംബ് നിക്ഷേപിക്കുന്ന ഒരു സംവിധാനമാണ്. 'ഡ്രോപ്പ് ആന്ഡ് ഫോര്ഗെറ്റ്'(ഉൃീു & എീൃഴല)േ എന്നതാണ് സ്പൈസ് ബോംബിന്റെ യുഎസ്പി.
ഈ മിസൈലിന്റെ ഗ്ലൈഡ് റേഞ്ച് 60 കിലോമീറ്റര് ആണ്. യുദ്ധവിമാനത്തില് നിന്നും വേര്പെട്ട ശേഷം മുന്നോട്ട് 'ഗ്ലൈഡ്' ചെയ്തിറങ്ങിച്ചെന്ന് ശത്രു കേന്ദ്രത്തില് ചെന്ന് പതിക്കാന് ഒരു മിസൈലിനുള്ള ശേഷിയാണ് ഗ്ലൈഡ് റേഞ്ച്. എത്ര കൂടുമോ അത്രയും സുരക്ഷിതമായ ഒരു ദൂരത്ത് നിന്നുകൊണ്ടുതന്നെ നമുക് ശത്രുകേന്ദ്രങ്ങളെ ബോംബിട്ടു തകര്ക്കാനാവും.
എന്തായാലും, മാരകപ്രഹര ശേഷിയുള്ള ഈ സ്പൈസ് 2000 മിസൈലുകള് കൂടി വന്നതോടെ കൂടുതല് ശക്തിയാര്ജ്ജിച്ചിരിക്കുകയാണ് ഭാരതീയ വ്യോമ സേന. ചൈനയുടെ ഭീഷണി അതിര്ത്തിയില് നിലനില്ക്കുമ്പോള് ഈയൊരു നീക്കം നമ്മുടെ സൈന്യത്തിന്റെ ആത്മവിശ്വാസം ഇരട്ടിപ്പിക്കുമെന്ന് പ്രതീക്ഷിക്കാം.
https://www.facebook.com/Malayalivartha
