സ്പെഷ്യല് ട്രെയിനുകളുടെ ഷെഡ്യൂളില് മാറ്റവുമായി റെയിൽവേ; ആഗസ്റ്റ് വരെ സ്പെഷ്യൽ ട്രെയിനുകൾ മാത്രം..പുതുക്കിയ സമയക്രമം ഇങ്ങനെ
കൊവിഡ് കാലത്ത് സർവീസ് നടത്തുന്ന ഈസ്റ്റേൺ സോണിൽ നിന്നുള്ള സ്പെഷ്യൽ ട്രെയിനുകളുടെ സമയക്രമത്തിലാണ് മാറ്റം വരുത്തിയിരിക്കുന്നത്. കൊവിഡ് നിയന്ത്രണത്തിന്റെ ഭാഗമായി രാജ്യത്ത് ആഗസ്റ്റ് വരെ സ്പെഷ്യൽ ട്രെയിനുകൾ മാത്രമെ ഉണ്ടാകൂവെന്നാണ് റെയിൽവെ അറിയിച്ചിരിക്കുന്നത് ഈ ട്രെയിനുകളുടെ സമയക്രമത്തിലാണ് മാറ്റം വരുത്തിയിരിക്കുന്നത്.
രാജ്യത്ത് പ്രതിദിന സര്വീസ് നടത്തിയിരുന്ന മെയില്, എക്സ്പ്രസ്, പാസഞ്ചര്, സബര്ബന് ട്രെയിനുകളെല്ലാം ആഗസ്റ്റ് 12 വരെ റദ്ദാക്കിയതായി കഴിഞ്ഞമാസം റെയില്വേ മന്ത്രാലയം അറിയിച്ചിരുന്നു. എന്നാല് രാജധാനിയുടെ റൂട്ടിൽ മെയ് 12 മുതൽ സർവീസ് നടത്തുന്ന 15 ജോഡി ട്രെയിനുകളും ജൂൺ ഒന്നുമുതൽ സർവീസ് ആരംഭിച്ച 100 ജോഡി സ്പെഷ്യല് ട്രെയിനുകളുടെയും സർവീസ് തുടരുമെന്ന് അധികൃതര് വ്യക്തമാക്കി.
ഇന്നുമുതലാണ് സ്പെഷ്യൽ ട്രെയിനുകളുടെ സമയക്രമത്തിലുള്ള മാറ്റം നിലവിൽ വരുന്നത്. പുതിയ സമയക്രമം അനുസരിച്ച് ഹൗറയില് നിന്നും പറ്റ്ന വഴി ഡല്ഹിയ്ക്ക് പോകുന്ന ഹൗറ സ്പെഷ്യല് ട്രെയിൻ (02303) ശനിയാഴ്ചകളിലാകും യാത്ര തിരിക്കുക. തിരിച്ച് ഡല്ഹിയില് നിന്നുള്ള ഹൗറ സ്പെഷ്യല് ട്രെയിൻ (02304) ഞായറാഴ്ചകളിലാണ് യാത്ര ആരംഭിക്കുക.
ഹൗറയില് നിന്നും ധന്ബാദ് വഴി ഡല്ഹിയിലേക്കുള്ള സ്പെഷ്യല് ട്രെയിന് (02381) ഇനി മുതല് വ്യാഴാഴ്ചകളിലാകും പുറപ്പെടുക. ഡല്ഹിയില് നിന്നും തിരിച്ച് ഹൗറയിലേക്കുള്ള ( ധന്ബാദ് വഴി) ട്രെയിന് (02382) വെള്ളിയാഴ്ചയും പുറപ്പെടും.
https://www.facebook.com/Malayalivartha