കൊവിഡ് വ്യാപനം തടയാന്‍ ശ്രമം നടത്തിയ കേന്ദ്ര, സംസ്ഥാന, പ്രാദേശിക അധികാരികളുടെ സമഗ്രമായ ശ്രമങ്ങളെ അഭിനന്ദിച്ച് പ്രധാന മന്ത്രി നരേന്ദ്ര മോദി . രാജ്യത്തെ കൊവിഡ് പ്രതിരോധ പ്രവര്‍ത്തനങ്ങള്‍ വിലയിരുത്തി പ്രധാനമന്ത്രി നരേന്ദ്ര മോദി. കൊവിഡ് ബാധിതര്‍ കൂടുതലുള്ള മേഖലകളില്‍ പ്രത്യേക ശ്രദ്ധയും മാര്‍ഗനിര്‍ദേശങ്ങളും നല്‍കണമെന്നും അദ്ദേഹം അവലോകന യോഗത്തില്‍ വ്യക്തമാക്കുകയും ചെയ്തു .

ഡല്‍ഹി എന്‍സിആര്‍ മേഖലയില്‍ വൈറസ് വ്യാപനം നിയന്ത്രിക്കുന്നതിനായി സ്വീകരിച്ച മാര്‍ഗങ്ങള്‍ മറ്റുള്ള സംസ്ഥാനങ്ങള്‍ സ്വീകരിക്കണമെന്നും പറഞ്ഞു .അവലോകന യോഗത്തില്‍ കേന്ദ്ര ആഭ്യന്തരമന്ത്രി അമിത് ഷാ, കേന്ദ്ര ആരോഗ്യമന്ത്രി ഡോ. ഹര്‍ഷ് വര്‍ദ്ധന്‍, കാബിനറ്റ് സെക്രട്ടറി, ഇന്ത്യയിലെ മറ്റ് മുതിര്‍ന്ന ഉദ്യോഗസ്ഥര്‍ എന്നിവര്‍ പങ്കെടുത്തിരുന്നു .രാജ്യത്തിന്റെ വിവിധ ഭാഗങ്ങളിലുള്ള സ്ഥിതിഗതികള്‍ കണക്കിലെടുക്കുമ്ബോള്‍, പൊതുസ്ഥലങ്ങളില്‍ വ്യക്തിപരമായ ശുചിത്വവും, സാമൂഹിക അകലവും പാലിക്കുന്നതില്‍ ഊന്നല്‍ നല്‍കണമെന്ന് പ്രധാനമന്ത്രി നിര്‍ദേശിച്ചു.ഇക്കാര്യത്തില്‍ അലംഭാവം കാണിക്കരുതെന്നും പ്രധാനമന്ത്രി പറഞ്ഞു . ഇന്ത്യയില്‍ കൊവിഡ് ബാധിതരുടെ എണ്ണം എട്ട് ലക്ഷം കടന്ന വേളയിലാണ് അവലോകന യോഗം.കഴിഞ്ഞ 24 മണിക്കൂറിനിടെ 27,114 പുതിയ കേസുകളാണ് റിപ്പോര്‍ട്ട് ചെയ്തത്. മരണസംഖ്യ 22,123 ആയി.