അധീകാരമുള്ളവന്റെ മുന്നില്‍ ഓച്ചാനിച്ച് നില്‍ക്കും, അതാണ് എത് മഹാഭൂരിപക്ഷം വരുന്ന ഉദ്യോഗസ്ഥ ലോബി ശീലം. എന്നാല്‍ പ്രതികരിക്കാന്‍ ശീലിച്ചവരും കുറവല്ല. അത്തരത്തിലൊരു ഐ.എ.എസ് ഉദ്യോഗസ്ഥനാണ് അശോക് ലവാസെ. കഴിഞ്ഞ ലോക്‌സഭാ തെരഞ്ഞെടുപ്പിന്റെ ബി.ജെ.പിയുടെ നെറികേടിനെതിരെ ശക്തമായി പ്രതികരിച്ച തെരഞ്ഞെടുപ്പ് ക്മ്മീഷ്ണര്‍. ജനാതിപധ്യത്തിന്റെ വിജയത്തിനായി പോരാടിയ ഉദ്യോഗസ്ഥന്‍ മുഖ്യ തെരഞ്ഞെടുപ്പ് കമ്മീഷന്‍ സ്ഥാനം കിട്ടുമെന്നറിഞ്ഞിട്ടും സ്ഥാനം രാജി വച്ചിരിക്കുകയാണ്. ഏഷ്യന്‍ വികസന ബാങ്കിന്റെ (എഡിബി) വൈസ് പ്രസിഡന്റായി ചുമതലയേല്‍ക്കുന്നതിന് വേണ്ടിയാണ് രാജി. അദ്ദേഹത്തിന്റെ നിയമനം എ.ഡി.ബി പുറത്തുവിട്ടു.

നിലവിലെ വൈസ് പ്രസിഡന്റ് ദുവാകര്‍ ഗുപ്ത വിരമിക്കുന്ന ഒഴിവിലാണ് അശോക് ലവാസെയുടെ നിയമനം. ഓഗസ്റ്റ് 31ന് ദിവാകര്‍ ഗുപ്ത സ്ഥാനമൊഴിയുമ്പോള്‍ ലവാസെ സ്ഥാനമേല്‍ക്കും. 1980 ബാച്ച് ഐ.എ.എസ് ഉദ്യോഗസ്ഥനായ അശോക് ലവാസെ 2018 ജനുവരി 23നാണ് തെരഞ്ഞെടുപ്പ് കമ്മിഷണറായി ചുമതലയേറ്റത്. നിലവിലെ ചീഫ് ഇലക്ഷന്‍ കമ്മീഷണര്‍ സുനില്‍ അറോറ വിരമിക്കുമ്പോള്‍ കീഴ്‌വഴക്ക പ്രകാരം മുഖ്യതെരഞ്ഞെടുപ്പ് കമ്മിഷണറാകേണ്ടത് മുതിര്‍ന്ന അംഗമായ ലവാസെയാണ്. തെരഞ്ഞെടുപ്പ് കമ്മീഷനില്‍ അശോക് ലവാസെയ്ക്ക് രണ്ടുവര്‍ഷം കൂടി കാലാവധിയും ശേഷിച്ചിരുന്നു. ഇതിനിടെയാണ് എ.ഡി.ബി വൈസ് പ്രസിഡന്റായി നിയമനം ലഭിച്ചത്. പ്രധാനമന്ത്രിക്കും ബി.ജെ.പി അധ്യക്ഷനായിരുന്ന അമിത് ഷായ്ക്കുമെതിരെ ശക്തമായ നിലപാട് എടുത്തതോടെ കേന്ദ്രസര്‍ക്കാരിന്റെ നോട്ടപ്പുള്ളിയായിരുന്നു ലവാസെ. കഴിഞ്ഞ ലോക്‌സഭാ തെരഞ്ഞെടുപ്പിനിടെ പെരുമാറ്റച്ചട്ടം ലംഘിച്ച സംഭവത്തില്‍ നരേന്ദ്രമോദിക്കും അമിത്ഷായ്ക്കും ക്ലീന്‍ ചിറ്റ് നല്‍കുന്നതിനെ അശോക് ലവാസെ എതിര്‍ത്തിരുന്നു. ഇത് ബി.ജെ.പി നേതൃത്വത്തിന്റെ അതൃപ്തിയ്ക്ക് ഇടയാക്കിയിരുന്നു.

തെരഞ്ഞെടുപ്പ് കമ്മിഷനിലെത്തും മുമ്പ് ധനകാര്യം, പരിസ്ഥിതി, വ്യോമയാനം എന്നീ വകുപ്പുകളുടെ സെക്രട്ടറിയായി പ്രവര്‍ത്തിച്ചിട്ടുണ്ട്. കേന്ദ്ര തെരഞ്ഞെടുപ്പ് കമ്മിഷനിലെ ഒരംഗം രാജിവെക്കുന്നത് രണ്ടാംതവണയാണ്. 1973ല്‍ അന്നത്തെ മുഖ്യതെരഞ്ഞെടുപ്പ് കമ്മിഷണര്‍ നാഗേന്ദ്ര സിങ് അന്താരാഷ്ട്ര നീതിന്യായ കോടതിയില്‍ ന്യായാധിപനായി നിയമിക്കപ്പെട്ടപ്പോള്‍ സ്ഥാനമൊഴിഞ്ഞിരുന്നു.