ഒരു ശക്തിക്കും ഇന്ത്യയുടെ ഒരിഞ്ചു മണ്ണില്പോലും തൊടാന് കഴിയില്ലെന്ന് പ്രതിരോധ മന്ത്രി രാജ്നാഥ് സിംഗ്
ഒരു ശക്തിക്കും ഇന്ത്യയുടെ ഒരിഞ്ചു മണ്ണില്പോലും തൊടാന് കഴിയില്ലെന്ന് പ്രതിരോധ മന്ത്രി രാജ്നാഥ് സിംഗ്. ഇന്ത്യ ഒരു ദുര്ബല രാജ്യമൊന്നുമല്ല. അതിര്ത്തിയിലെ പ്രശ്നങ്ങള്ക്കു പരിഹാരം കണ്ടെത്തുന്നതിനായി ചര്ച്ചകള് നടക്കുന്നുണ്ട്.
ഇന്ത്യയും ചൈനയും തമ്മിലുള്ള പ്രശ്നം എത്രത്തോളം പരിഹരിക്കാന് കഴിയുമെന്ന് ഉറപ്പ് നല്കാന് സാധിക്കില്ലെന്നും രാജ്നാഥ് സിംഗ് പറഞ്ഞു. ലഡാക്കിലെ പാങ്കോംഗ് തടാകത്തിന് സമീപമുള്ള ലുകുങ് പോസ്റ്റില് ഇന്ത്യന് ആര്മി, ഐ.ടി.ബി.പി ഉദ്യോഗസ്ഥര് എന്നിവരുമായി സംവദിക്കുമ്ബോഴാണ് രാജ്നാഥ് സിംഗിന്റെ പരമാര്ശം. ഇന്ത്യയും ചൈനയും തമ്മിലുള്ള അതിര്ത്തി തര്ക്കം പരിഹരിക്കുന്നതിനായി ചര്ച്ചകള് നടക്കുകയാണെന്നും ലഡാക്ക്, ജമ്മു കശ്മീര് സന്ദര്ശനത്തിനെത്തിയ രാജ്നാഥ് സിംഗ് പറഞ്ഞു.
സംഭാഷണത്തിലൂടെ ചൈനയുമായുള്ള പോരാട്ടത്തിന് പരിഹാരം കാണുമെന്ന് ഇന്ത്യ പ്രതീക്ഷ പ്രകടിപ്പിക്കുമ്പോള്, അന്തിമഫലത്തിന് യാതൊരു ഉറപ്പുമില്ലെന്നും സിംഗ് പറഞ്ഞു. അതിര്ത്തിവിഷയത്തില് ചര്ച്ചകളിലൂടെ ഒരു പരിഹാരം ഉണ്ടാകുകയാണെങ്കില് അതത്രയും നല്ലത്. എന്നാല്, രാജ്യത്തിനുവേണ്ടി ജീവന് ബലികഴിച്ച സൈനികരെ ഇന്ത്യ വിസ്മരിക്കില്ലെന്ന മുന്നറിയിപ്പും രാജ്നാഥ് നല്കി. ചീഫ് ഓഫ് ഡിഫന്സ് സ്റ്റാഫ് ജനറല് ബിപിന് റാവത്ത്, കരസേന മേധാവി ജനറല് എം.എം. നരവനെ എന്നിവര്ക്കൊപ്പമാണ് രാജ്നാഥ് സിംഗ് ലഡാക്കിലെത്തിയത്.
അതിര്ത്തി പ്രശ്നം രൂക്ഷമായ പാങ്ങോംഗ് മേഖലയിലും മുന്നിര പ്രദേശങ്ങളായ സ്റ്റാക്ന, ലുകുംഗ് മേഖലകളിലും പ്രതിരോധ മന്ത്രി സന്ദര്ശനം നടത്തി. പ്രതിരോധ മന്ത്രിയുടെ സന്ദര്ശനത്തോടനുബന്ധിച്ച് ലേയില് സുരക്ഷാസേനയുടെ ശക്തി പ്രകടനം നടന്നു. സൈനിക താവളങ്ങളിലെ സുരക്ഷാസംവിധാനങ്ങള് മന്ത്രി പരിശോധിച്ചു വിലയിരുത്തി.
"
https://www.facebook.com/Malayalivartha
