ഇന്ത്യയിൽ കഴിഞ്ഞ 24 മണിക്കൂറിനിടെ 49,310 പേർക്ക് കൂടി കോവിഡ് രോഗം സ്ഥിരീകരിച്ചു. ഒറ്റ ദിവസത്തിനിടെ റിപ്പോർട്ട് ചെയ്യുന്ന ഏറ്റവും ഉയർന്ന നിരക്കാണിത്. ഇതോടെ ആകെ രോഗബാധിതരുടെ എണ്ണം 12,87,945 ആയി ഉയർന്നു.

അതേസമയം 24 മണിക്കൂറിനിടെ 740 പേരാണ് രോഗം ബാധിച്ച് മരിച്ചത്. ഇതോടെ ആകെ മരണം 30,601 ആയി. നിലവിൽ 4,40,135 പേർ ചികിത്സയിലുണ്ട്. ഇതുവരെ 8,17,209 പേർ രോഗമുക്തരായി.

മഹാരാഷ്ട്രയിൽ രോഗബാധിതരുടെ എണ്ണം മൂന്നര ലക്ഷത്തോടടുക്കുന്നു. ഇതുവരെ 3,47,502 പേർക്കാണു രോഗം സ്ഥിരീകരിച്ചിട്ടുള്ളത്. ആകെ മരണം 12,854. തമിഴ്നാട്ടിൽ ഇതുവരെ 1,92,964 കേസുകളും 3,232 മരണങ്ങളും റിപ്പോർട്ട് ചെയ്തിട്ടുണ്ട്. രോഗബാധിതരുടെ എണ്ണത്തിൽ മൂന്നാം സ്ഥാനത്തുള്ള ഡൽഹിയിൽ ആകെ കേസുകൾ 1,27,364 ആയി. ഇതുവരെ 3,745 പേർ മരിച്ചു.