ലോകത്തെ ആശങ്കയിലാഴ്ത്തുന്ന കോവിഡിനെ തോല്‍പ്പിച്ച് 101 വയസ്സുകാരി ആശുപത്രിയില്‍ നിന്ന് വീട്ടിലേക്ക്... രോഗികളുടെ എണ്ണം ഓരോ ദിവസവും കൂടുന്നതിനനുസരിച്ച് നമ്മുടെ ആശങ്കയും വര്‍ധിക്കുകയാണ്. ഇതിനിടെ രോഗത്തെ അതിജീവിച്ചവര്‍ നല്‍കുന്ന ആത്മവിശ്വാസം വളെര വലുതാണ്. ഇപ്പോഴിതാ രാജ്യത്തിന്റെ പ്രതീക്ഷയാകുകയാണ് 101 വയസുകാരിയായ തിരുപ്പതി സ്വദേശി മങ്കമ്മ. കോവിഡ് ബാധിതയായിരുന്ന മങ്കമ്മ ശനിയാഴ്ച ആശുപത്രി വിട്ടു.

ശ്രീ വെങ്കിടേശ്വര ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സിലെ ശ്രീ പദ്മാവതി വിമന്‍സ് ആശുപത്രിയിലാണ് പ്രവേശിപ്പിച്ചിരുന്നത്. ചില ദിവസങ്ങള്‍ക്ക് മുമ്ബാണ് മുത്തശ്ശിക്ക് കോവിഡ് സ്ഥിരീകരിക്കുന്നത്. ഡോക്ടര്‍മാരുടേയും നഴ്സുമാരുടേയും പാരമെഡിക്കല്‍ സ്റ്റാഫിന്റെയും മികച്ച പരിചരണത്തിലൂടെ ഇവര്‍ രോഗമുക്തി നേടി.
ഈ പ്രായത്തിലും മങ്കമ്മ ധൈര്യത്തോടെയും ആത്മവിശ്വാസത്തോടെയും നില്‍ക്കുകയും ചികിത്സയോടു സഹകരിക്കുകയും ചെയ്തതായും ആശുപത്രി മെഡിക്കല്‍ സൂപ്രണ്ട് .ആരോഗ്യവതിയായാണ് മങ്കമ്മ ആശുപത്രി വിട്ടത്.