ഓഗസ്റ്റ് അഞ്ചിന് ഇന്ത്യ കരുതിയിരിക്കണം; ആര്ട്ടിക്കിള് 370 എടുത്തുകളഞ്ഞതിന്റെ വാര്ഷികം; ഐ.എസ്.ഐയും ഐ.എസും കൈകോര്ത്തേക്കും; അയോധ്യയില് സുരക്ഷ അതിശക്തം
അയോധ്യയില് ഭീകരാക്രമണത്തിന് സാധ്യതയുണ്ടെന്ന വാര്ത്തകള് പുറത്തു വന്നിരുന്നു. ഇതിനൊപ്പം പാകിസ്ഥാന് കരുനീക്കങ്ങള് തുടങ്ങിയതായും വാര്ത്തകള് പുറത്തുവരുന്നുണ്ട്. ഓഗസ്റ്റ് അഞ്ച് കാശ്മീരിന്റെ പ്രത്യേക പദവി എടുത്തുകളഞ്ഞ നടപടിയുടെ വാര്ഷികമെന്നതാണ് ഇതിനുള്ള കാരണം. ഇതിന് തിരിച്ചടി നല്കാന് ഇതിനിടെ പാകിസ്ഥാനും ഭീകരവാദസംഘടനകളും ശ്രമിച്ചിരുന്നു. എന്നാല് ഇന്ത്യന് സൈന്യത്തിന്റെയും ഇന്റലിജന്സ് വിഭാഗത്തിന്റെയും ഇടപെടന് രാജ്യത്തെ ഇതുവരെ സംരക്ഷിച്ചു വരികയാണ്. അതുകൊണ്ട് തന്നെ ജാഗ്രതയോടെയാണ് അയോധ്യയില് കേന്ദ്ര സര്ക്കാര് കാര്യങ്ങള് കൈകാര്യം ചെയ്യുന്നത്.
കശ്മീരിന്റെ പ്രത്യേക പദവി എടുത്തു കളഞ്ഞു കേന്ദ്രഭരണ പ്രദേശമാക്കിയ നടപടിയുടെ വാര്ഷികമായ ഓഗസ്റ്റ് അഞ്ചിന് എന്തൊക്കെ നടപടി സ്വീകരിക്കാമെന്നതു പാക്കിസ്ഥാന് സൈനിക ഉദ്യോഗസ്ഥര് ജൂലൈ 21ന് ചേര്ന്ന പ്രത്യേക യോഗത്തില് ചര്ച്ച ചെയ്തെന്നാണ് റിപ്പോര്ട്ടുകള്. പാക്കിസ്ഥാന് സൈനിക മേധാവി ജനറല് ഖമര് ജാവേദ് ബജ്വയുടെ അധ്യക്ഷതയിലായിരുന്നു ഈ യോഗം. പാക്കിസ്ഥാന് സൈന്യത്തിലെ ഏറ്റവും ശക്തമായ കോര്പ്സ് കമാന്ഡേഴ്സ് ഫോറമാണ് വിദേശ പദ്ധതികളും വെട്ടുകിളികള്ക്കെതിരായ പോരാട്ടവും ഉള്പ്പെടെയുള്ള വിഷയങ്ങള് ചര്ച്ച ചെയ്തത്. 'രാജ്യത്തിന് പുറത്തും അകത്തും സുരക്ഷാ ഭീഷണി' ഉയര്ന്നു വരുന്ന പശ്ചാത്തലത്തിലുള്ള തയാറെടുപ്പുകളും യോഗം വിലയിരുത്തി. എന്നാല് വെട്ടുകിളിശല്യത്തിനുമപ്പുറം കശ്മീര് ആയിരുന്നു യോഗത്തിലെ മുഖ്യ അജന്ഡ എന്നാണ് സൂചന. ഓഗസ്റ്റ് അഞ്ചിലെ സാഹചര്യങ്ങളും യോഗത്തില് ചര്ച്ചയായി. സ്വാതന്ത്ര്യത്തിനായി ധീരരായി പോരാടിയ കശ്മീരികള്ക്ക് ആദരം അര്പ്പിക്കുന്നതായും യോഗം അറിയിച്ചു. ഓഗസ്റ്റ് അഞ്ചിനോടനുബന്ധിച്ച് എന്തൊക്കെ ചെയ്യാന് സാധിക്കും എന്ന ആലോചനയിലാണ് പാക്കിസ്ഥാന് പ്രധാനമന്ത്രി ഇമ്രാന് ഖാനും പാക്ക് സൈന്യവും ചാരസംഘടനയായ ഐഎസ്ഐയും എന്നാണ് സൂചന.
ഇന്ത്യയില് ഭീകരവാദ പ്രവര്ത്തനം നടത്താന് പാകിസ്ഥാന് ചാര സംഘടനയായ ഐ.എസ്.ഐയുടെ കൂടി പിന്തുണ ഭീകരസംഘടനകള്ക്ക് നല്കുന്നുണ്ടെന്നാണ് വിവരം. പാക്ക് അധിനിവേശ കശ്മീരിലേക്കുള്ള ഇമ്രാന് ഖാന്റെ സന്ദര്ശനമാണ് ഇതില് ഏറ്റവും പ്രധാനപ്പെട്ടത്. അവിടെ വച്ച് ഇമ്രാന് ഖാന് ജനങ്ങളോടു പ്രസംഗിക്കുകയും ചെയ്യും. ഇമ്രാന് ഖാന് എത്തുന്നതിനു മുന്പേ വിദേശ മാധ്യമപ്രവര്ത്തകരുടെ സംഘത്തെ പാക്ക് അധിനിവേശ കശ്മീരില് എത്തിക്കും. ഇന്ത്യ ആര്ട്ടിക്കിള് 370 റദ്ദാക്കിയതിനു പിന്നാലെ പാക്കിസ്ഥാന് യുഎന് ജനറല് അസംബ്ലിയില് കശ്മീര് വിഷയം ഉന്നയിച്ചിരുന്നു. പാക്കിസ്ഥാന് പുറമേ രണ്ട് അംഗങ്ങളാണ് ഇക്കാര്യം യുഎന്നില് സംസാരിച്ചത്, തുര്ക്കിയും മലേഷ്യയും. ഓഗസ്റ്റ് അഞ്ചിന് മുന്നോടിയായി ഈ രണ്ടു രാജ്യങ്ങളുടെയും ചൈനയുടെയും പിന്തുണ കശ്മീര് വിഷയത്തില് പാക്കിസ്ഥാന് തേടിയിട്ടുണ്ട്. ഇമ്രാന് ഖാന്റെ ആസൂത്രണങ്ങളുടെ ഭാഗമായി കശ്മീര് വിഷയത്തില് മൂന്ന് രാജ്യങ്ങളും പ്രസ്താവന ഇറക്കണമെന്നാണ് പാക്കിസ്ഥാന്റെ ആവശ്യം. പ്രസ്താവനയില്ലെങ്കില് പാക്ക് നിലപാടിനു പിന്തുണ സൂചിപ്പിക്കുന്ന ഒരു ട്വീറ്റെങ്കിലും ഇടാനും അഭ്യര്ഥനയുണ്ട്.
തുര്ക്കി ഇതില് പാക്കിസ്ഥാനെ തുണയ്ക്കാനാണു സാധ്യത. അതേസമയം, മലേഷ്യയുടെ നിലപാട് അറിയാനാണ് ഇന്ത്യ കാത്തുനില്ക്കുന്നത്. ഓര്ഗനൈസേഷന് ഓഫ് ഇസ്ലാമിക് കോര്പറേഷനില് അംഗങ്ങളായ രാജ്യങ്ങളുടെയും രാജ്യാന്തര മനുഷ്യാവകാശ സംഘടനകളുടേയും പിന്തുണയ്ക്കായി ഐഎസ്ഐയോടൊപ്പം പാക്കിസ്ഥാന് വിദേശകാര്യ മന്ത്രാലയവും ശ്രമം തുടരുന്നുണ്ട്. കശ്മീരിന്റെ പ്രത്യേക പദവി എടുത്തുകളഞ്ഞ ശേഷം രൂപം കൊണ്ട റെസിസ്റ്റന്റ് ഫ്രണ്ട് എന്ന ഭീകര സംഘടനയെ ഈ ദിവസം ആക്രമണങ്ങള് നടത്താന് ഐഎസ്ഐ ഉപയോഗിക്കുമെന്നും ചില റിപ്പോര്ട്ടുകളുണ്ട്.അയോധ്യയില് രാമക്ഷേത്ര നിര്മാണത്തിന്റെ ചടങ്ങുകള്ക്കിടെ ഭീകരാക്രമണം നടത്താന് ഐഎസ്ഐ ലക്ഷ്യമിടുന്നതായി ഇതിനകം തന്നെ ഇന്ത്യന് രഹസ്യാന്വേഷണ ഏജന്സികള് റിപ്പോര്ട്ട് നല്കിയിട്ടുണ്ട്. പ്രധാനമന്ത്രി നരേന്ദ്ര മോദിയുള്പ്പെടെ നിരവധി നേതാക്കള് അയോധ്യയിലെ രാമക്ഷേത്ര നിര്മാണവുമായി ബന്ധപ്പെട്ട പരിപാടിയില് പങ്കെടുക്കാന് പദ്ധതിയിടുന്നതിനാല് കനത്ത ജാഗ്രതയിലാണ് രാജ്യത്തെ വിവിധ സുരക്ഷാ ഏജന്സികള്.
ഡല്ഹിയിലെ സ്വാതന്ത്ര്യ ദിന പരിപാടികള്ക്കിടെ ഭീകരാക്രമണം നടത്താനുള്ള സാധ്യതയും ഇന്ത്യന് ഇന്റലിജന്സ് ഏജന്സികള് കാണുന്നു. ഇതിനായി ലഷ്കര്, ജയ്ഷെ ഭീകരരെ ഐഎസ്ഐ ഇന്ത്യയിലേക്കു കടത്തിയിട്ടുണ്ടെന്നാണ് റിപ്പോര്ട്ട്. അഫ്ഗാനിസ്ഥാനില് പരിശീലനം ലഭിച്ച ഭീകരന്മാരെ മൂന്ന് മുതല് അഞ്ച് വരെയുള്ള സംഘങ്ങളായാണ് ഇന്ത്യയിലേക്ക് അയച്ചത്. ഇന്ത്യയിലെ ആഭ്യന്തര പ്രശ്നം എന്ന രീതിയില് ചിത്രീകരിക്കുന്നതായി വിവിധ ഇടങ്ങളില് ഒരുമിച്ച് ഭീകരാക്രമണം നടത്തുകയാണ് ഇവരുടെ ലക്ഷ്യം. രഹസ്യ വിവരം ലഭിച്ചതിനെ തുടര്ന്ന് അയോധ്യ, ജമ്മു കശ്മീര്, ന്യൂഡല്ഹി എന്നിവിടങ്ങള് അതീവ ജാഗ്രതയിലാണ്.
https://www.facebook.com/Malayalivartha
