ഭാര്യക്ക് മറ്റു പുരുഷന്മാരുമായി ബന്ധമുണ്ടെന്ന ഭർത്താവിന്റെ ആരോപണത്തെത്തുടർന്ന് വികൃതമായ ശിക്ഷാ നടപടികൾ കൈകൊണ്ട് നാട്ടുകാരും ബന്ധുക്കളും. ഭർത്താവിനെ തോളിലേറ്റി റോഡിലൂടെ നടത്തുകയും മർദ്ദിക്കുകയും ചെയ്തു കൊണ്ടാണ് യുവതിക്ക് ഗ്രാമവാസികൾ ശിക്ഷ നൽകിയത്. സംഭവം വിവാദമായതോടെ യുവതിയുടെ ഭർത്താവടക്കമുള്ള ഏഴുപേർക്കെതിരെ പോലീസ് കേസെടുത്തിരിക്കുകയാണ്.

മധ്യപ്രദേശിലെ ജബുവ ജില്ലയിലെ ഗ്രാമത്തിലാണ് ഇത്തരത്തിലൊരു സംഭവം നടന്നത്. ഭർത്താവിനെ തോളിലേറ്റി നടത്തുന്ന ഭാര്യയുടെ വീഡിയോ മാധ്യമങ്ങളിൽ പ്രചരിച്ചതിനെ തുടർന്നാണ് ഇത് പുറംലോകം അറിയുന്നത്.

ഭർത്താവിനെ തോളിലേറ്റി നടക്കുന്ന യുവതിയുടെയും ബഹളം വയ്ക്കുന്ന നാട്ടുകാരുടെയും കൂടാതെ യുവതിയെ മർ-ദ്ദിക്കുകയും ചെയ്യുന്ന ദൃശ്യങ്ങളാണ് വീഡിയോയിലുള്ളത്. യുവതിയെ അതിക്രൂരമായ രീതിയിൽ ശിക്ഷിച്ചിട്ടും ആരും രക്ഷിക്കാനെത്തിയില്ല. ആളുകൾ ഇത് കണ്ട് രസിക്കുകയും വീഡിയോ ദൃശ്യങ്ങൾ മൊബൈലിൽ പകർത്തുകയുമാണ് ചെയ്തതെന്ന് വീഡിയോയിലൂടെ വ്യക്തമാണ്.

ഗുജറാത്തിൽ കൂലിവേല ചെയ്തിരുന്ന ഇരുവരും കഴിഞ്ഞ ദിവസമാണ് വീട്ടിലേക്ക് തിരിച്ചെത്തിയത്. തുടർന്ന് ഭർത്താവ് വീട്ടുകാരോടും നാട്ടുകാരോടും ഭാര്യയ്ക്ക് പരപുരുഷ ബന്ധമുണ്ടെന്നുള്ള കാര്യം പരാതിപ്പെടുകയായിരുന്നു. ഇതിന്റെ അടിസ്ഥാനത്തിലാണ് നാട്ടുകാരും വീട്ടുകാരും ചേർന്ന് യുവതിയെ ക്രൂ-രമായ രീതിയിൽ ശിക്ഷിക്കാൻ തീരുമാനിച്ചത്.